Gasteizek barrika lasterketa berreskuratuko du uztailaren 25ean, Blusa eta Nesken egunean
Pandemiak eragindako bi urteko etenaldiaren ostean, Gasteizek uztailaren 25ero, Blusa eta Nesken Egunean, ospatzen duen Barrika Lasterketa berreskuratuko du datorren astelehenean, hirigunean. Probaren bosgarren edizioa izango da aurtengoa, eta ia ehun blusa eta neska lehiatuko dira, 23 taldetan.
Estibaliz Canto Gasteizko Hezkuntza eta Kultura zinegotziak azpimarratu duenez, blusak eta neskak "Zuriaren Arima" dira, eta "bi urte gogor izan dira, kalera atera ezinik". Gaineratu du "gozatzeko unea" dela, eta "Barrika Lasterketan ziur gozatuko" dutela.
Ekitaldia hilaren 25eko 10:30etan hasiko da, lasterketako taldeen desfilearekin. Jarraian, Gasteizko Telebista Jaialdiko (FesTVal) zuzendariak eta Zuzendariordeak, Joseba Fiestrasek eta Arantza Lalindek, hurrenez hurren, irteera emango diote hiru erreleboko lasterketari.
Andre Maria Zuriaren Jaien gelaurrean erreferente bilakatu den Barrika Lasterketak aurreko urteetako ibilbide bera mantenduko du. Plaza Berritik abiatuko dira 23 taldeak, Andre Maria Zuritik igarotzeko, ondoren Mateo Morazatik igo, Lehendakari Agirretik pasa eta Plaza Berrira itzultzeko.
Bi blusa/neskak bultzatuko dituzte upelak eta, ibilbidea amaitzean, euren taldeko beste bi pertsonari emango dizkiete, hiru txandatan. Gainera, komisarioak izango dira ibilbide osoan zehar; horiek arduratuko dira barrikak bide osoan zehar biraka ari direla eta, gutxienez, taldekide bat beti upelarekin kontaktuan dagoela egiaztatzeaz.
Aurten, Eguren Ugarte upeltegietako 225 litroko ardo barrika bat izango da sari berezia, eta helmuga zeharkatzen duen lehen talde mistoarentzat izango da.
Zure interesekoa izan daiteke
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.