Joseba Palenzuela, Mutrikuko alkatea: "Elkarbizitzaren alde lanean jarraitu behar dela erakusten du honek"
Giroa lausotuta abiatu dituzte festak Mutrikun, bertako emakume ertzain baten salaketaren ondotik. Bizixo Jai Batzordeak antolatutako ekintzatan parte-hartzea ukatu egin diote gazteari, polizia izateagatik. "Tristea eta onartezina" da gertatutakoa Joseba Palenzuela bertako alkatearen iritzian, eta horregatik, "urte osoan bezala, elkarbizitzaren alde lanean jarraitzeko" deia egin du.
Mutrikuko Udaleko hiru talde politikoek —PNV, EH Bildu eta Berdeak+Independenteak— atzo kaleratutako gaitzespen oharrean jasotakoa ekarri du gogora alkateak, eta mutrikuar guztien eskubideak errespetaraztea dela bere eginbeharra azaldu du. "Ezberdinen arteko herria eraikitzeko giltza elkarbizitza" dela nabarmendu du, eta bide horretan urratsak ematen jarraitzeko eskatu dio herri osoari, Euskadi Irratian egin dioten elkarrizketan.
Alkatearen hitzetan, festen lehendabiziko eguna "giro lasaian" joan da, eta hemendik aurrerakoa ere hala joatea espero du. Behin jaiak igarotakoan, gaia patxadaz aztertuko dutela ere esan du. "Momentuz, egoera baretzea tokatzen zitzaigun, eta lortu dugu giroa onbideratzea. Kaltetutako neskarekin harremanetan jarri ginen eta gaitzespen oharra kaleratu genuen. Orain, etorriko da gaia modu pausatuagoan lantzeko momentua", esan du.
Bere aldetik, Bizixo Jai Batzordeak sare sozialen bidez azaldu duenez, ez du "indar polizialik" onartuko bere jardueratan, eta "Ertzaintzak errepresioa" erabiltzen duen heinean, poliziak ez du tokirik izango euren ekintzatan eta espazioetan. Polemika lehertu ondoren, herriko jaietan egitekoak ziren herri bazkaria bertan behera utzi dute.
Halaber, Mutrikuko polemika izan du hizpide, besteak beste, Bingen Zupiria Eusko Jaurlaritzako bozeramaileak ere, gaur goizean, "Faktoria" saioan. Gertatutakoa "urteetan eraiki eta garatu den intolerantziaren adierazpena" dela esan du. "Toki askotan, jai esparruaren zati bat kultura politika jakin baten esparrua izan da, eta hor ikusten dugu nolako intolerantzia dagoen. Batean, Mutrikuko gazte hau, ertzaina den gazte hau salatutakoa dugu, baina ikusi ditugu beste kasu batzuk ere, beste herri batzuetan GKSko (Gazte Koordinadora Sozialista) gazteekin gertatzen ari dena", azaldu du. Zupiriaren ustez, "ezin da bide horretatik jarraitu, eta guztion lana da horri buelta ematea", adierazi du.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.