Bartzelonako paziente batek 15 urte daramatza GIBa kontrolatzen sendagairik hartu gabe
Bartzelonako paziente batek 15 urte daramatza Giza Immunoeskasiaren Birusa (GIB) inolako sendagairik hartu gabe kontrolatzen. Sendatze funtzionalaren lehen kasua da munduan, eta Bartzelonako Clinic Ospitalean ari dira ikertzen.
Berlinen eta Londresen GIBa zuten bi paziente erabat sendatu ziren, zelula amak transplantatzerakoan birusa desagertu zelako. Baina kasu hau bestelakoa da.
Bartzelonako pazientearen sendatzea "funtzionala" izan da, birusak bere barruan segitzen duelako. Alabaina, bere sistema immunitarioa gai da hiesaren hedapena ekiditeko, 15 urte botikarik hartu gabe daramatzan arren.
Duela 15 urte baino gehiago antzeman zioten GIBaren infekzioa, eta, bederatzi hilabetez, tratamendua eman zioten antirretrobiralekin, entsegu kliniko batean. Halaber, hainbat ebakuntza egin zizkioten.
Antirretrobiralen bidez, birusa gorputzean zabaltzea eta beste pertsona batzuk kutsatzea saihesten da. GIBaren maila odolean horrenbeste murrizten da, ezen ezinezkoa izaten baita analisi arrunt batekin detektatzea.
Hala ere, birusak ezkutuan jarraitzen du, eta, tratamendua etetean, berriro zabaltzeko eta pazienteari min egiteko ahalmena izaten du. Aitzitik, pertsona gutxi batzuk, tartean Bartzelonako pazientea, gai dira birusa kontrolatzeko medikamenturik hartu gabe.
Berlingo eta Londreseko kasuetan, pazienteak erabat sendatu ziren, baina beste faktore batzuk egon ziren horren oinarrian: alde batetik, birus akastuna zutela, eta bestetik, linfozito mota bati aurre egiteko sistema immunitario indartsua zutela.
"Bartzelonako kasua salbuespena da, pertsona oso gutxi direlako gai birusa tratamendurik gabe hainbeste denboran kontrolatzeko eta orain arte ez dugulako inoiz ikusi horrelako mekanismorik birusa menderatzeko", azaldu du Josep Mallolas Clinic Ospitaleko GIB unitateko buruak.
Bartzelonako pazienteak berez ez du birusa kontrolatzeko faktore genetikorik eta barruan daraman GIBa gai da hedatzeko, akatsik ez duelako.
Ikertzaileek GIBa kontrolatzea lortzen duten zelula taldeak identifikatu dituzte, eta paziente horri egindako analisietan ikusi dute ohi baino gehiago dituela. Gauzak horrela, zelula horiek birusaren hedapena blokeatzen dutela uste dute.
Ikertzaileen helburua orain paziente horren sistema immunologikoa zehatz-mehatz ezagutzea izango da, ikerketa bide berriak irekita, hiesa duten beste paziente batzuei laguntzea posible ote den argitzeko.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.