Duela 50 urte baino 10 egun gehiago luzatzen da uda Gipuzkoan krisi klimatikoa dela eta, Naturklimaren arabera
Gipuzkoako uda duela 50 urtekoa baino hamar egun luzeagoa izatea eragin du klima aldaketak, Naturklima Fundazioak argitaratutako txosten baten arabera.
Jose Ignacio Asensio Gipuzkoako Ingurumen foru diputatuak Lurraldeko tenperaturaren bilakaerari buruzko azken ikerketaren berri eman du. Horren arabera, "Gipuzkoako udek bi egunean areagotu dute iraupena hamarkada bakoitzeko, 1971 urtetik".
"Tenperaturen areagotzearen joeraren arabera, mende honetako amaierako aurreikuspenak azken mende laurdenean antzemandakoen 4 ºC gainetik egongo lirateke", azaldu du.
Asensiok nabarmendu duenez, azken 50 urteotan Gipuzkoako tenperatura "0,24 ºC igo da hamarkada bakoitzeko". "Uda sasoiari dagokionez, igoera hori 0,3 ºCkoa da, hamar urteko", gaineratu du.
Diputatu foralak azpimarratu du "urtetik urtera" ari garela aldagai horren ondorioak bizitzen, "oso tenperatura altuko egunekin, bero olatuekin eta gau tropikal deritzenen areagotze progresiboarekin, alegia, tenperatura 20 ºCtik jaisten ez den gauak".
"Hain zuzen ere, gau tropikalen areagotze horri laguntzen hiritar eremuetan gero eta ohikoagoa den fenomeno batek, bero uharte izenpean", gogorarazi du.
Azaldu duenez, "hiritar eremuan tenperatura altuen pilaketak eragiten du egoera hori. Izan ere, eraikinen dentsitateak ez du beroa erraztasunez barreiatzea baimentzen eta, hala, termometroa ez da 20 graduetatik jaisten eremu horietan".
Era berean, oroitarazi du klima aldaketak "biztanleriaren osasunari eragiten" diola, eta "beroketaren efektuen aurreko zaurgarritasuna" ez dela guztientzat berdina izango. Zentzu horretan, nabarmendu egin ditu "Naturklimaren lan handia eta funtsezko egitekoa, klima aldaketaren bilakaera jarraitzeko eta gure gizarteari horren efektuen aurrean erresilienteago bilakatzen laguntzeko".
"Gipuzkoar guztien ongizatearen alde egiteko daukagun apustu irmoan, trantsizio ekologikoaren sustapena indartzen jarraituko dugu, politika iraunkor, barneratzaile, berdinzale eta bidezkoekin, inor atzean gera ez dadin eta klima aldaketaren efektuen eraginpean gera ez dadin", defendatu du.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.