Enbrioi bat sortu dute saguen zelula amekin, burmuinarekin eta taupadak egiten dituen bihotz batekin
Cambridgeko Unibertsitateko ikertzaile talde batek enbrioiak sortu ditu saguen zelula amekin. Burmuin bat, taupadak egiten dituen bihotz bat eta gorputzeko gainerako organoen oinarriak biltzen ditu eredu berri horrek, eta bide berri bat ireki dezake bizitzako lehen aroak birsortzeko.
Magdalena Zernicka-Goetz irakasleak zuzendutako taldeak obulurik eta espermatozoiderik gabeko enbrioi eredu bat garatu du zelula amekin; ia edozein motako zelula bilakatu daitezkeen zelula nagusiak, alegia.
Ikertzaileek prozesu naturalak antzeratu zituzten laborategian, ugaztunen garapen goiztiarrean parte hartzen duten hiru zelula ama motak gidatuz, elkarri eragiten hasten diren unera arte.
Gene multzo zehatz baten adierazpena eragitean eta horien elkarrekintzetarako inguru berezi bat sortzean, zelula amek euren artean "hitz egitea" lortu zuten.
Orduan, zelula amak euren kasa antolatu ziren, garapenaren ondoz ondoko aroetan zehar aurrera egin zuten egituretan; taupadak egiten zituzten bihotzak, burmuinaren oinarriak eta bitelo-zakua (bertan garatzen da enbrioia lehen asteetan, eta bertatik jasotzen ditu elikagaiak) eratu arte.
Laborategiko beste enbrioiek ez bezala, eredu horiek lortu zuten burmuin osoa -aurreko aldea barne- garatzen hastea, inoiz lortu gabekoa.
Taldetik azaldu dutenez, emaitzek ikertzaileei lagun liezaiekete ulertzen zergatik enbrioi batzuek porrot egiten duten, beste batzuek haurdunaldi osasuntsu baterantz aurrera egingo dutelarik.
Gainera, transplanteetarako giza organo 'sintetikoen' konponketa eta garapena gidatzeko erabili litezke emaitzak.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.