Epaimahaiak Abantoko krimenen eszenako argazkiak ikusi ditu epaiketaren laugarren saioan
Herri-epaimahaiak Abantoko Sanfuentes auzoko txaleteko argazkiak ikusi ditu gaur, akusatuak krimen bikoitza egin zuen etxea. Gizonak aurpegia estali du bere emaztearen eta alabaren gorpuak ez ikusteko.
2020ko martxoaren 10ean alaba eta emaztea hiltzeagatik 50 urteko espetxe zigorra jaso dezaken gizonaren aurkako epaiketari berrekin zaio gaur, kasuaren ikerketan parte hartu zuten ertzainen testigantzekin.
Familiaren etxebizitzan frogen bilketan parte hartu zuten hiru ertzainek krimenaren eszena nola zegoen azaldu dute aretoan, 360 graduko argazkiak pantaila handi batean proiektatuta, herri epaimahaiak eta epaileak Polizia Zientifikoaren azalpenak entzuten zituzten bitartean.
Goizeko saioan hitz egin dute hiru orduz akusatuaren bila aritu ziren agenteak ere, haren senitartekoak Ertzain-etxera joan eta gizonak bi emakumeak hil izana aitortu ziela jakinarazi ondotik.
Azaldu dutenez, gizona bere etxeko trasteleku batean aurkitu zuten, besaulki batean eserita, Orfidal pilulak eta kaxak inguruan zituela. "Noraezean" eta "konortea galduta" zirudien, baina "drogatuta bezala", eta "lau" hartu zituela esan zuen, zehaztu gabe pilulei edo kutxei buruz ari ote zen, eta, beraz, poliziek anbulantzia bat eskatu zuten "badaezpada", ospitalean baloratu zezaten haren egoera.
Larrialdietara iristean, "ondo" erantzuten zien pilulak hartzeagatik izan zezakeen eragina egiaztatzen saiatzen ari zen medikuaren galderei, eta, ospitalera lagundu zuen agenteak adierazi duenez, "lasaitasun osoz" hasi zen kontatzen "izugarria egin zuela eta emaztea eta alaba hil zituela".
Ertzain horrek atxilotuaren arropa jaso zuen ospitalera iristean, epaileak hala eskatuta, eta "eskudirutan diru asko" zeramala egiaztatu zuen, 600 euro baino gehiago bai behintzat.
Halaber, epaimahaiak krimena ikertzeko instrukzioa egin duen ertzainari entzun dionez, akusatuaren arrebak eta koinatu ohia gizona salatzera joan zirenean hark emakumeak "gehiegi babesten" zituela eta bi biktimei "tratu bikaina" ematen ziela esan zuten.
Bestalde, krimena gertatu bezain laster, hildako emaztearen anaiek akusatuak biktimekiko zuen "kontrol-portaeraren" eta bi emakumeekiko "gutxiespenaren" berri eman zutela gogorarazi du.
Epaiketak bihar jarraituko du, akusatuaren egoera psikologikoari buruzko txostenak jasoko dituzten txosten perizialekin.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.