Irunen bizilagunen etxeari su emateagatik akusatutako gizonak ukatu egin du gertatutakoa
Barruan pertsona bat lo zela auzokide ohien etxeari gasolinaz su ematea egotzita akusatutako gizonak gertakariak ukatu egin ditu astearte honetan, Gipuzkoako Auzitegiko Lehen Sekzioan egindako epaiketan. Halaber, gau hura lagun batzuekin igaro zuela azaldu du, eta ondoren etxera lagundu ziotela.
Fiskaltzak 11 urte eta erdiko espetxe zigorra eskatu du harentzat, pertsonen bizitza arriskuan jartzen duen sute delitua eta urratze delitua egotzita; izan ere, ustez, gizona biktimen etxebizitzara hurbildu zen hori egitea eragozten zion agindu judizial bati muzin eginez.
Gizonak adierazi duenez, 2017ko abenduaren 18ko gauean, bi lagunekin egon zen Irungo taberna batean 21:00etatik goizaldeko ordu bata edo ordu biak arte, eta "gaizki" sentitu zela, mozkortuta zegoelako eta medikatzen ari zelako, eta autoz etxera joatea erabaki zuela, nahiz eta lagunek ez gidatzeko esan.
Lagunek atzetik jarraitu zioten, badaezpada ere, eta tunela iristearekin bat, istripua izan zuen. Azkenean, adierazi duenez, lagunek etxera eraman zuten eta behin etxean zela, ohean sartu zen.
Auzipetuak onartu du, nahiz eta hasieran bizilagun ohiarekin ondo konpondu, honek "gorroto handia" ziola, eta behin autoa marratu ziola ere. "Bizilagun guztiek beldurra zioten", esan du, "gauez zarata egiten zuelako" eta "lapurtutako gauzekin" ibiltzen zelako. Epaiketak bihar jarraituko du testigantza berriekin.
Gertakariak 2017ko abenduaren 18an gertatu ziren, 01:30 eta 02:00ak bitartean, akusatuak etxebizitza horretako ateari su eman zionean "gasolina erabiliz". Biktima, une horretan egongelako sofan lo zegoena, sukaldetik zetorren "ke usainak" asaldatuta esnatu zen "sugarrak eta ke handia" baitzegoen bertan. Halere, sua itzali eta kalera irtetea lortu zuen, "aire garbia arnastu" behar baitzuen.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.