Kokot Nomad jatetxea, zenbaitentzat, berriz hasteko aukera
Angelun bada jatetxe berezi bat, Kokot Nomad izena du eta berezia da, jatetxe soila baino, gizarteratze jatetxea delako.
Arrazoi desberdinak tarteko lan mundutik urrundu diren pertsonak dira bertan sukaldean lanean aritzen direnak, lanerako ohiturak hartu eta berriz gizarteratu daitezen.
2020ko maiatzean piztu zen ideia Angelun, egunero otorduak emango dituen jatetxeak, baina era berean, egoera zailean den jendeari aterabide bat emango ziona.
Pantxika Ibarboure Kokot Nomad elkarteko kideak azaldu duenez, langabeziagatik eta beste arazo batzuengatik, jende askok "hausturak bizi izan ditu" lan ibilbidean eta bizitzan bertan, eta proiektu honekin pertsona horiei lagundu nahi diete, "beren gaitasuna eta berriz kontzientzia hartzeko behar delako laguntza bat".
Jatetxeak, jakintzak gaurkotzeko eta autonomia lortzeko aukera ematen die bertan lan egiten duten sei pertsonei, urtebeteko epean gehienez.
Horietako bat da Karine Corchet baionarra, kanpoan bizi eta banandu eta gero, seme-alabak zaintzearekin bateragarria zen lan bat aurkitu du Kokot Nomaden, eta biziki kontent dela dio.
Karinen kasuan bezala, pertsona bakoitzaren beharretara moldatzen da elkartea: helduak, gazteak, ama bakarrak…
Ibarbourek dioenez, jende asko joaten da jatetxera, "proposatzen duguna ona baita, baina, batez ere etikaren aldetik jatetxeak dituen irizpideengatik".
Irabazirik gabeko elkarteak kohesio soziala eta iraunkortasuna ditu helburu, eta beste herrietan ere halako proiektuak garatzeko deia egiten dute.
Zure interesekoa izan daiteke
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.
1.778 ikaslek eskatu dute USaPeko euskara azterketa berrikustea
Behin betiko emaitzak datorren astelehenean argitaratuko dira. EHUko errektoreak zehaztu duenez, "ez dute baloraziorik egingo probaren emaitzari buruz"; izan ere, kalifikazioak, une honetan, "behin-behinekoak dira eta berrikuspen prozesuan daude".
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
San Mamesen eta garraio publikoan aldaketak egiteko eskatu zion FIFAk Bilbori
Udalak berretsi egin du 2030ean jokatzekoa den Munduko Txapelketako egoitza izan nahi duela, baina "ez edozein preziotan".
Txirrindulari bat hil da Forondan, auto batekin istripua izanda
Ezbeharra 08:50ak jo barik zeudela gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak onartu egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, eta gogora ekarri du orain gutxi iraungitako txertoekin Osakidetzan izandako polemika.
Eibarko Udalak ezohiko osoko bilkura egingo du arratsaldean sokamuturren etorkizunaz eztabaidatzeko
Bilkura 19:00etan egingo da, eta bozketa ez da loteslea izango. Bien bitartean, ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.
Albiste izango dira: Abisu horia beroagatik, Estatu Batuen eta Iranen arteko bake akordioa eta "Bizi Natura" saioaren denboraldi amaiera
Gaurkoan Orain-en albiste izango direnen laburpena, bi hitzetan.
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.