Abanton emaztea eta alaba hil zituen gizonari 22 urteko kartzela zigorra ezarri diote hilketa bakoitzeko
Bizkaiko Lurralde Auzitegiak zehaztu du 44 urteko espetxe zigorra ezarri diola 2020ko martxoan Abanto Zierbenan (Bizkaia) emaztea eta alaba hil zituen gizonari, 22 urte hilketa bakoitzeko.
Atzo epaia ezagutu berritan, akusazioak sententzia argitzea eskatu zuen. Epaian 22 urteko espetxealdia ezartzen zen hilketa bakoitzeko eta epaiaren zuzenbideko oinarrietan, ostera, 23.
Bizkaiko Lurralde Auzitegiak auto berri bat kaleratu du gaur, idazketan burututako akatsa zuzentzeko.
Halaber, hiltzaileak 170.000 euroko kalte-ordaina eman beharko dio biktimen ama eta amonari, eta 40.000 eurokoa anaia eta osaba bakoitzari.
Bestalde, behin espetxe zigorra beteta, 10 urtetan zaintzapeko askatasunean egon beharko du, eta genero indarkeriarekin lotutako formazio programetan parte hartu.
Orain, EAEko Justizia Auzitegi Nagusian apelazio helegitea jartzeko 10 eguneko epea zabalduko da, gaurko autoa kaleratu eta hurrengo egunetik zenbatzen hasita.
Zinpeko epaimahaiak errudun jo zuen Abantoko gizona. Ebatzi zuenez, akusatuak 54 eta 24 urteko emaztea eta alaba "nahita" hil zituen Abanto Zierbenako familiaren etxebizitzan, eta ondorioztatu zuen akusatuak bi hilketa delitu egin zituela "azpikeriaz", "ahaidetasun eta genero astungarriarekin" bi kasuetan.
Albiste gehiago gizartea
Beroari egotz dakizkiokeen 26 heriotza izan dira Euskadin abuztuan
Udan dagoeneko 65 heriotza zenbatu dira gehiegizko tenperaturarekin lotutako patologiengatik.
86 urteko gizon baten hilotza aurkitu dute Zumaiako itsasadarrean
Gorpua Donostiako Auzitegiko Medikuntzako Euskal Erakundera eraman dute autopsia egiteko.
Emakume bat hil da A-12 errepidean, Torres del Rion
Emakumearen ibilgailua bide bazterrean zegoen, eta kamioiak talka egin du haren aurka.
40 urteko gizon bat atxilotu dute Gasteizen, adingabe baten aurrean genitalak erakusteagatik
Bikote baten eta adingabe baten aurrean "bere alderdi intimoak erakusteagatik eta astintzeagatik" eta iruzkin lizunak egiteagatik atxilotu zuten.
EAEko berrogeita hamar suhiltzaile baino gehiago Gaztela eta Leonera joan dira, baso-suteak kontrolatzen laguntzeko
Zehazki, Gaztela eta Leongo Juntak Eusko Jaurlaritzari laguntza eskatu ondoren hartu da neurria. Hala, bat egin dute suteak itzaltzen laguntzeko berriki bidalitako helikopteroarekin.
Etxeko espetxealdia agindu dute Zizur Nagusian ustez emaztea hil zuen 85 urteko gizonarentzat
Auzitegiak ez du ihes-arriskurik ikusten, ezta frogak deuseztatzekoa ere, eta gainera ezagutza funtzioak kaltetuta dituela ebatzi du. Pultsera telematikoa jantzi beharko du, eta seme-alabek erabakiko dute zein etxetan biziko den.
Ia bi kilometroko auto-ilarak Txorierrin, Sondikatik Gurutzetara bidean, istripu baten ondorioz
Bestalde, A-15ean normaltasunera itzuli da zirkulazioa Hernanin. Aian, bi autok talka egin dute Zarautzerako noranzkoan, eta auto-ilarak daude. Zizurren, berriz, bost pertsona zauritu dira, tartean bi adingabe, goizaldean izandako istripu batean.
Faltzesko piloiko bigarren entzierroa, azkarra eta zirraragarria
Jose Maria Goñiren ganadutegia izan da protagonista Faltzesko bigarren entzierro honetan. Goizeko 09:00etan suizidia jotzearekin bat eman zaio hasiera etzierroari. Azkarra izan da, eta zauritu bat utzi du, anbulantzian ospitalera eraman dutena.
Juan Mari Aburto: "Txurdinagako eszenatokia prest zegoen eta Abandoibarrakoa ez, eta ez dut ikusten arrazoirik"
Bilboko alkatearen arabera, kontratatutako enpresak ez zuen bere lana bete, "denbora oso txarto kudeatu zuen", eta, ondorioz, lehen eguneko kontzertuak (Kai Nakai, Olatz Salvador eta Maren) bertan behera gelditu ziren Abandoibarran. Arazoak konponduta, igandeko kontzertuak normaltasunez eskaini ahal izan zituzten.
Hamaika lagun atxilotu dituzte igandean Bilboko Aste Nagusian, horietako bi indarkeria matxistagatik
Delitu gehienak San Nikolas inguruan eta Zazpikaleetan gertatu dira, eta lapurretekin eta desobedientziarekin lotuta zeuden.