Bilbon bahitutako haurtxoaren familiak urruntze-agindua eskatuko du

Joan den asteazkenean Basurtuko Ospitalean (Bilbo) bahitutako haurtxoaren gurasoek urrutze-agindua eskatuko dute Aimarren ustezko bahitzailearentzat, haurtxoaren aitak berak, Pedrok, EFEri jakinarazi dionez. Ustezko bahitzailea, 24 urteko emakume bat, aske geratu da larunbat arratsalde honetan, epailearen aurrean egindako aitortu ostean.

Aimar haurtxoaren familiak baieztatu duenez, astelehen honetan bertan eskatuko du urruntze-agindu hori.

Legez kanpoko atxiloketa delitua

Bilboko Basurtuko Ospitalean haur jaioberri bat bahitzeagatik atxilotutako 24 urteko emakumea behin-behinen aske utzi du epaileak larunbat arratsalde honetan, aparteko neurririk gabe, iturri judizialek azaldu dutenez.

Izan ere, legez kanpoko atxiloketa-delitu bat -bahiketa- egin izanaren zantzu sendoak ikusten baditu ere, ez du behin-behineko espetxeratzearen kautelazko neurri bat behar izateko arrazoirik ikusten.

Hain zuzen ere, aipatu iturrien arabera, ez dago ihes egiteko edo frogak suntsitzeko arriskurik, akusatuak gertakariak onartu baititu eta frogak lortu ondoren. Bestalde, larrialdietako medikuaren eta auzitegiko medikuaren txostenak ez du beharrezkotzat jo emakumea ospitaleratzea.

Hemendik aurrera, kasuaren instrukzioa beste epaitegi batek egingo du, orain artekoa guardiakoa baitzen.

Emakumeak egindakoa onartu du epailearen aurrean eta psikiatria zentro batean sartzea eskatu du. Egindakoaz damututa dagoela eta une oro Aimar txikiaren osasun egoeraz arduratuta egon dela azaldu du.