Zenbateko kostua du hiltzeak?
Asteartean, azaroak 1, Domu Santu egunean, euskal hilerrietan ohi baino askoz ere bisita gehiago izan dira, eta lorez bete dira, gure hildakoen omenez. Emozio biziko eguna da, baina… zenbat balio du hiltzeak? Beste modu batera: zenbat ordaindu behar dute senideek familian norbait hiltzen denean?
OCU Kontsumitzaileen eta Erabiltzaileen Erakundeak ikerketa egin du, espainiar Estatuko 29 hiritan, tartean Iruñean, Donostian eta Bilbon. Horren arabera, ehorzketa batek, besteak beste, hilkutxa, beilatokia, eskela, loreak eta hilerrian ehorztea kontuan izanik, 3.955 euro balio du Bilbon; 4.155, Donostian eta 4.982, Iruñean.
Errausketa nahiago dutenek, pixka bat gutxiago ordaindu beharko dute; hain zuzen, 3.802 euro, Bilbon; 4.049, Donostian eta 4.371, Iruñean.
Datuak testuinguruan jarrita, argituko dugu OCUk, txostenean, zehaztuta duela emandako datuek zerikusia dutela ehorzketa "zuhur, duin eta luxu handirik gabekoekin". Halaber, gomendatzen du ehorztetxe batean baino gehiagotan galdetzea; izan ere, batzuen eta beste batzuen arteko aldea 2.000 eurotik gorakoa izan liteke Bilbon, ia 900 eurokoa Donostian, eta 1.600 bat eurokoa Iruñean.
Hileta zerbitzu batean, garestiena hilkutxa da; Estatu espainiarrean, batez besteko prezioa 1.200 bat eurokoa da.
Hileta aseguruaren gainean (hildakoari bermatzen dio hileta zerbitzuak babestuta dituela), OCUk dio senideek aintzat hartzen dutela, erosoa baita; hala ere, kontuak eginez gero, ez omen da gomendagarria: "Ordaindutako primen pilatutako balioa, askotan, ehorzketaren benetako kostua baino handiagoa izaten da". Ohikoa da, OCUren esanetan, primetan aseguratutako kopurua baino gehiago ordaintzea; hortaz, ikuspegi ekonomikotik, ez du konpentsatzen.
Hala, OCUren aholkua da, hileta asegurua badugu, aztertzea gure prima nolakoa den; hori "naturala" bada, alegia, gorakorra edo aldakorra, zahartu ahala gora egingo du, eta, beraz, hobe bertan behera uzten badugu. Alderantziz, prima "parekatua" bada, hau da, urtero kopuru bera ordaintzen badugu estaldura aldatu ezean, hobe eustea, baldin eta denbora luzea joan bada kontratatu genuenetik eta adinekoak bagara. Duela gutxi kontratatu bagenuen, baina, OCUren gomendioa baliogabetzea da.
Azkenik, OCUk aholkatzen du Aurretiazko Borondateen Dokumentua betetzea; horrek zehaztu egiten du zer nahi duen pertsona bakoitzak, heriotzaren osteko garairako.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.