Eusko Jaurlaritzak Eskola Jasangarrien ziurtagiria eguneratuko du ingurumen-hezkuntza sustatzeko
Eusko Jaurlaritzak jasangarritasunerako ingurumen-hezkuntza bultzatu eta sendotzeko dekretu berri bat onartu du gaur. Besteak beste, honako hauek aurreikusten ditu: iraunkortasunerako ingurumen-hezkuntzari buruzko berrikuntza- eta gaikuntza-plataforma bat abian jartzea, "Ikastetxe iraunkorra" zigilua eguneratzea eta gaiari buruzko kanal digital bat sortzea.
Eusko Jaurlaritzako bozeramaile eta Kultura eta Hizkuntza Politikako sailburu Bingen Zupiriak Gobernu Kontseiluaren osteko prentsaurrekoan jakinarazi duenez, orain arte Eskola Jasangarrien ziurtagiria izan denak beste zigilu baterantz egiten du. Zigilu horrek ikastetxe jasangarri gisa egiaztatuko du, ikastetxeek 2030erako Iraunkortasunerako Ingurumen Hezkuntzako Agendaren esparruan garatutako jarduera eta ekintza iraunkorraren ebidentziak ebaluatuz.
Iraupena 2030. urtera arte luzatuko da. Gainera, Eusko Jaurlaritzak prozedura sinplifikatu bat ezarriko du Eskola Txiki gisa katalogatutako ikastetxeentzat, hau da, landaguneetan edo biztanleria-dentsitate baxuko guneetan kokatutako ikastetxeentzat.
"Dekretu berriak iraunkortasunerako ingurumen-hezkuntza bultzatu eta sendotu nahi du Euskadin, esparru horretan lan egiten duten eragile guztien eskutik, iraunkortasunaren kultura berri baterantz eta osasunaren sustapenerantz aurrera egiteko", ziurtatu du sailburuak.
Gaineratu duenez, dekretu horrek antolamendu- eta hezkuntza-kalitateko eredu berrien garapenean jartzen du "fokua", "hezkuntza ez formalaren eremuari lehentasuna emanez, herritarrek ingurumena babesteko eta kontserbatzeko duten erantzunkidetasunean laguntzeko, eta hori guztia, larrialdi klimatikoaren garaian benetako eraldaketa-ekintza bat lortzeko".
Zupiriak azaldu duenez, dekretua sei ildo estrategikoren inguruan egituratzen da: 2030eko Hezkuntza Agenda bultzatzea eta «Ikastetxe iraunkorra» zigilua eguneratzea; iraunkortasunerako ingurumen-hezkuntzari buruzko berrikuntza-, prestakuntza- eta trebakuntza-plataforma bat sortzea; ingurumen-hezkuntzari buruzko kanal digital espezifiko bat sortzea; hezkuntza-komunitateak parte hartzeko tresnak garatzea; ikastetxe jasangarrien hedapena; eta Hezkuntza Sailak bultzatutako hezkuntza-planekin konektatzea eta lerrokatzea.
Zure interesekoa izan daiteke
Almeriako suteak "bilakaera ona" du, baina 6600 hektarea erre ditu dagoeneko
Baldintza meteorologikoek hobera egin dute, eta "lehen aldiz, suteari aurre egiteko moduan gara", iragarri du Larrialdi kontseilariak. Oraindik 23 pertsona topatu ezinda dabiltza, baina ez dute hustutze eta konfinamendu gehiagorik egin. 12 dira hildakoak.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.