Hazia izenari betoa jarri dion Gasteizko epaileak beste haur bati Ilargi deitzea eragotzi zuen
Hazia izenari betoa jarri dion Gasteizko epaileak ukatu egin zion beste haur bati Ilargi deitzea, EITB Mediak jakin ahal izan duenez. Epaileak galarazi egin zien guraso batzuei beren seme jaioberriari Ilargi izena jartzea, neska izena zela argudiatuz. Horregatik, Jon izena inposatu zien. Familiak Auzitegi Gorenera jo zuen, eta epaiaren zain da.
Gasteizko epaile berdinak uko egin berri dio jaioberri bat Hazia izenarekin inskribatzeari, gutxiesgarria delakoan, eta "fonetikoki eta semantikoki oso antzekoa" den beste bat ezarri dio, Zia, Bergoi eta Alazne gurasoek aukeratutakoarekin bat ez datorrena.
Euskaltzaindiak izen neutroak, genero markarik gabeak, sartu zituen 2019an bere pertsona izendegian lehenengoz. Horrelako 500 izen inguru gehitu zituen (Alai, Aloña, Amaiur, Amets, Araitz, Artzain, Getari, Hurbil, Iraultza, Izaba, Jaizkibel, Kemen, Lohitzun, Sustrai…), eta pertsona izen txikigarriak, hipokoristikoak, ere (Aguxtin, Arritxu, Axun, Bittori, Engraxi, Frantxoa, Iñaxio, Itxaso, Ixabel, Jexux, Joxepe, Juantxo, Kattalin, Manu, Txetxu, Xabi…) txertatu zituzten.
Hala ere, Euskaltzaindia prest agertu da txosten bat idazteko alaba Hazia izenarekin erregistratu nahi duen Gasteizko familiari laguntzeko.
Hazia auziaren harira, oharra kaleratu du Euskaltzaindiak. Euskararen Akademiak azaldu duenez, Hazia izenari buruzko azalpenak eman zizkien gurasoei, beraiek horrela eskatuta.
Euskaltzaindiak ez du eragozpenik ikusten hizkuntza aldetik haurrari Hazia izena jartzeko, "izen arrunt batetik eratorritako beste izen batzuekin (Amets, Haizea, Lizar, Nahia, Zeru, Zuhaitz, etab.) gertatzen den moduan".
Akademiak gogorarazi du tarteka horrelakoak gertatzen direla erregistro zibiletan, "bereziki, izenari atxikitako generoa dela eta". Testuinguru horretan gogora ekarri du 2018an, malgutasunez jokatzeko eskatu ziola Espainiako Justizia Ministerioari generoari lotutako kasuetan, horren esanetan, "hortxe suertatzen baitira arazorik gehienak".
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.