Euripean ere, euskaraz
Herriz herri, auzoz auzo, etxez etxe… belarriprestak eta ahobiziak martxan dira atzotik euskarari bultzada emateko asmoz sortutako Euskaraldia ekimenean murgilduta. Eskimalek elurrari nola, euskaldunok euriari hala, hamaika modu ditugu euria izendatzeko, eta lanbroa, euri txikia, zirimiria egin… Euskaraldiaren lehenengo asteburuari euskaraz eginez eta entzunez helduko diote milaka herritarrek.
Atzo aurkezpen eguna izan zen, eta herriz herri egin ziren hamaika ekitaldi kanpaina abian dela gogoratzeko. Eusko Legebiltzarrean ere egin zioten agurra Euskaraldiari:
Baionan, Bilbon, Donostian, Gasteizen eta Iruñean, bost hiriburuotan, ostegun arratsaldean elkartu ziren ahobiziek zein belarriprestek sekulako gogoz eta ilusioz egin zuten txapa jartze bateratua. Jai giroan elkartu ziren Euskaraldiaren bezperan.
Nola parte hartzen da?
Parte hartzeko modu egokiena euskaraz aritzea bada ere, ekimenean izena emateko gonbitea egin dute antolatzaileek. Webgunean egin daiteke.
Rola aukeratzerakoan, hau da, ahobizi edo belarriprest izan erabakitzerakoan, batzuek zalantza egiten dute, baina Euskaraldiaren antolatzaileek argi azaldu dute bakoitzari zer dagokion:
Ahobizi: "Euskaraz ulertzen duten guztiekin euskaraz egiten dut uneoro. Kideek euskaraz ulertzen ote duten ez dakidanean lehen hitzak, beti, euskaraz egiten ditut; euskaraz ulertzen badute, euskaraz jarraitzen dut. Batzuetan zaila izan arren, elkarrizketa elebidunetan ere euskarari eusten diot kideek ulertzen dutenean".
Belarriprest: "Aldiro erabakitzen dut euskaraz noiz eta norekin egin. Agian, beti ez dut euskaraz egingo ulertzen duten guztiekin, baina euskara dakitenek niri euskaraz hitz egitea nahi dut, eta horixe eskatzen diet modu esplizituan."
Hori kontuan izanda, izena ematea besterik ez da falta, eta txapa jasotzea herriz herri egokitutako lekuetan. Dena den, txapa digitala edo avatarra (sare sozialetan erabiltzeko) deskargatzeko aukera ere badago.
Norbanakoek ez ezik, talde, elkarte, erakunde… eta guztiek parte har dezakete, eta kasu horretan "ariguneak" sor ditzakete, euskaraz aritzeko guneak.
Zure interesekoa izan daiteke
Iraungitako txertoa jaso zuten 23 pertsonari txerto hexabalentea jarri diete berriro
Alberto Martinez Osasun sailburuak azaldu duenez, iraungitako txerto hexabalentea beste 29 pertsonari ere jarri ote zitzaien ikertzen ari dira, baina erregistroan egindako akatsak izan daitezkeela aurreratu du. Dena den, txertoen intzidentzia "bideratuta" dagoela eta orain gertaturikoa argitzea falta dela nabarmendu du.
Hiru pertsona atxilotu dituzte Obanosen, horietako bat larri zaurituta, etxebizitza batean izandako leherketa batean
Lehen hipotesien arabera, hiru atxilotuak leherketa eragin duen osagairen bat manipulatzen ari ziren.
Espainiako Gobernuak sare sozialetan sartzea debekatuko die 16 urtetik beherakoei
Pedro Sanchezek iragarri du Espainiak sare sozialen zuzendariak erantzule egingo dituela legez kanpoko eta gorrotozko edukiengatik.
Goiz gorabeheratsua Kataluniako Rodaliesen, zirkulazioa bi bider eten da eta
Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.
38 urteko gizon bat hil da Bergaran, auto batek harrapatuta
Ezbeharra 07:15ean gertatu da, Ibarra kalean.
Auto-ilarak Bilbon, hainbat ibilgailuk istripua izan baitute Zorrotza parean
Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute sanblasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi nodular kutsakorraren aurkako neurriak eguneratu ditu Jaurlaritzak
Behi-aziendak azoka eta erakustaldietan egotea debekatu da, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek ate joka diren inauterietako bigantxen ikuskizunak eta sokamuturrak egitea ahabildetu dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.