Bilboko suhiltzaileek baztertu egin dute Areatzako sutea Aste Nagusiko su artifizialek eragin izana
Bilboko suhiltzaileek baztertu egin dute abuztuan Aste Nagusiaren txosnagunearen aurrean dagoen etxebizitza bloke batean piztutako sutea su artifizialek eragin izana, EITBk jakin duenez.
Bilboko Udalak suhiltzaileei agindutako ikerketaren arabera, eraikineko instalazio elektrikoen egoera kaskarraren ondorioz piztu zen sutea. Horren ildotik, sua barrutik kanpora hedatu zela aipatu dute.
Bilboko suhiltzaileen operazio buru ofizialak sinatutako 22 orrialdeko txostenak instalazio elektriko zaharrak eta hondatuak aipatzen ditu sutearen arrazoi nagusitzat. Begi-ikuskapen pare bat egin zituzten.
Horietako bigarrenean, Ertzaintzaren lehergailu unitateko txakurrek ez zuten material piroteknikorik aurkitu, eta habeek kalte gehiago dituzte behealdean goiko aldean baino. Sutearen jatorria kaltetutako bi atarietako baten azken solairuko konexio elektrikoetan dagoela uste dute. Horrela, suak behetik gora egin zuela erabaki dute.
Konkretuki, txostenaren ondorioek adierazten dute sutearen sorburua "9. zenbakiko ezkerreko 5. solairuaren teilatupean egon daitekeela nagusiki, eta zehazki, 9. eta 10. zenbakiko atarietako etxebizitzak banatzen dituen horma bitartean".
Ikerketan, "aurkitutako instalazio, konexio eta anomalia elektrikoez" hitz egiten da, "oinarrizko eta bigarren mailako arku elektrikoekin, deribazio elektrikoen kanpo-kutxarekin eta 5. solairuko ezkerreko ganbaran sartzen den hartunearekin". Txostenaren arduradunaren iritziz, "sutearen jatorriarekin lotura zuzena izan dezaketen ebidentzia nagusiak dira".
Txostena jaso dute dagoeneko Epaltzaren Alargunaren kaleko 9. eta 10. zenbakietako bizilagunek, baina ez da duten txosten bakarra. Aseguru-etxeen beste txosten batzuek, esaterako, hipotesi kontrajarriak dituzte. Horregatik, abokatuekin aztertzen ari dira eman beharreko urratsak.
Zure interesekoa izan daiteke
Gizonezko batek 49 urteko bikotekidea bat hil du Zaragozan
Auzokideek Polizia Nazionalari deitu zioten bikotearen etxebizitzan liskar gogor bat izan zela jakinarazteko. Patruila bat bertaratu denean, emakumearen gorpua aurkitu dute, labankadekin. Ustezko hiltzailea dagoeneko atxilotu dute.
Zeintzuk dira Forbeseko aberatsenen zerrendan agertzen diren bost euskal herritarrak?
Daniel Mate donostiarra, Glencoreri lotua, euskal ordezkaritzaren buru da Forbesen zerrendan. Ondoren, De Urrutia, Ybarra, Arregui familiak eta Jose Antonio Jainaga siderurgiako enpresaburua daude. Burtsak gorabehera, Euskal Herriko aberatsek Estatuko mapa ekonomikoan duten pisuari eutsi diote.
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe-zigorra eskatu du.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.