Suak kaltetutako Bilboko eraikinean topatutako piroteknia arrastoak erakutsi dituzte bizilagunek
Bilboko Areatzan sute batek kaltetutako eraikineko patioan topatutako piroteknia hondakinen argazkiak publiko egin ditu auzokideen erkidegoak, eta salatu dute ez dakitela agintariek gertakaria argitzeko ikerketarik abian jarri dutenetz.
Gaur zabaldutako agiri batean, bizilagunek adierazi dute faltan bota dutela "agintariek komunikazio, koordinazio, informazio eta gardentasun handiagoa izatea horrelako gertakarien ondoren jarraitu beharreko epeei eta urratsei buruz".
Ildo horretatik, kritikatu dute ikerketari buruzko informaziorik ez dutela. "Martxan dagoen ikerketa ofizialik ba ote dagoen, nork egingo duen, eta, halakorik ez badago, zergatik eta nola aktibatuko litzatekeen jakin nahi dugu", azpimarratu dute.
Suhiltzaileen txostena ikustea ere eskatu dute, "Udala bezala, auzokideen erkidegoa ere alderdi interesduna baita". Era berean, "Surbisaren txosten teknikoa eskuratzea gustatuko litzaiguke, eraikinaren egoerari eta etxebizitzetan sartzeko dauden balizko arriskuei buruzko informazioa izateko", gaineratu dute.
Sua nola piztu zen argitu bitartean, bizilagunek azpimarratu du "urtero" erortzen direla su-artifizialen hondakinak Epaltzaren Alarguna eta Esperantza kaleetako eraikinetako teilatuetan.
Halaber, gogorarazi dute aurrez ere izan direla "pirotekniak eragindako sute txikiak", eta auzokideak izan direla Udaltzaingoan abisua eman dutenak.
Horrez gain, herritarren laguntza eskatu dute gertakariari buruzko informazioa biltzeko, eta posta elektroniko helbide bat (epalzalarguna9@gmail.com) sortu dute haiekin harremanetan jarri ahal izateko.
Piroteknia hondakinak suak kaltetutako eraikinean.
Bestalde, nabarmendu dute 14 etxebizitza hustu zituztela, eta, oraindik, familia bakar bat bera ere ezin izan dela bueltatu. "Etxeetako bat erabat suntsituta gelditu da, eta bizilagunak ezingo dira hilabeteetan itzuli", ohartarazi dute.
"Zazpi Kaleetako eraikin gehienen egiturak egurrezkoak direla kontuan hartuta, inori ezer gertatu ez bazaio edo kalte materialak handiagoak izan ez badira, bizilagun batek larrialdi zerbitzuetan abisua berehala eman zuelako, suhiltzaileek eta udaltzainek azkar esku hartu zutelako eta zoria alde izan dugulako izan da", adierazi dute.
Gauzak horrela, Aste Nagusiko su artifizialen kokapena aldatzeko unea iritsi dela azpimarratu dute, "etorkizunean, Zazpikaleetako bizilagunek, gainerako herritarrek bezala, lo lasai egin dezagun, eta su artifizialen ikuskizunaz gozatu dezagun".
Beste alde batetik, auzokideen erkidegoak Bilboko suhiltzaileen eta Udaltzaingoaren lana goraipatu du. "Bere profesionaltasunari eta eraginkortasunari esker, sua azkar kontrolatu zen, eta ezbeharra larriagoa izatea saihestu zen", adierazi dute.
Halaber, Gizarte Ekintzako langileen parte hartzea eskertu dute, "ostatu alternatiborik ez zuten familiei lagundu zietelako".
Eta, amaitzeko, Bilboko konpartsen jarrera nabarmendu dute, "hasieratik babestu gintuztelako, janaria eta edaria emanda, eta jai gunea husten lagunduta".
Zure interesekoa izan daiteke
Ratioak jaistea eskatzen duen herri-ekimen legegilea iragarri dute Nafarroako eskola publikoaren aldeko plataformek
Nafarroako eskola publikoaren aldeko plataformen iritzian, ikasgeletan haur kopurua txikitzea ezinbestekoa da arreta hobetzeko, eskola porrota murrizteko eta aniztasunari arreta hobea ziurtatzeko. Hori dela eta, herri-ekimen legegilea aurkeztu nahi dute Nafarroako Foru Parlamentuan, ratioak jaisteko eskatuz. Hezkuntza komunitate osoari lankidetzarako deia egin diote. Hasteko, 7.000 sinadura behar dituzte ekimena ganberara eraman ahal izateko.
EAEk hamar aldiz handitu du gaitasun handiko ikasleen detekzioa azken bost urteotan
2019an 747 ikasle zeuden identifikatuta eta gaur egun 7.327 dira; igoera nabarmen hori eskola publiko zein itunpekoetan ezarritako detekzio goiztiarrerako ereduari esker lortu da.
Nelson David Morenok ukatu egin du Bilbon 73 urteko gizon bat hil izana
Asteazken honetan hasi da Bilbon 2021eko urriaren 5ean zendu zen gizon baten heriotza argitzeko epaiketa. Akusatua 37ko kartzela-zigorra betetzen ari da dagoeneko, beste krimen batzuengatik. Bost gizonen hilketekin lotu dute, baina, ikertzaileen aburuz, 7 krimenen ardura izan dezake.
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.