Gizarte zerbitzuek Barakaldoko familiaren egoera ikertu zuten arazoren bat tarteko, Erkorekak berretsi duenez
Josu Erkoreka Eusko Jaurlaritzako Segurtasun sailburuak baieztatu duenez, gizarte zerbitzuek Barakaldoko familiaren egoera ikertu zuten, "ez ohiko arazoren bat" atzeman baitzuten, "baina gertakaria jazo arte, Poliziak ez zuen esku hartzerik izan".
Urteberri egunean seme-alabak hiltzen saiatu zen emakumearen auziaz galdetu diote gaur Erkorekari, Radio Euskadiko "Boulevard" saioan egin dioten elkarrizketan. Azaldu duenez, "ez dago berrikuntza nabarmenik", eta zauritutako haurrek hobera egiten jarraitzen dute, ospitalean.
Hilketa saiakerari buruzko inguruabarrez itaundu badiote ere, sailburuak ez du "espekulazio eta datu morbosoen" inguruan hitz egin nahi izan, adingabeak tarteko daudela argudiatuta.
Lukas Agirre hernaniarraren hilketaz mintzatu da Erkoreka. Horren iritzian, gertakari lazgarri horren punturik "deigarriena" arma zurien erabilera da. Ohartarazi duenez, "nabarmen hazi da erabilera hori, iragan hurbil batean ez bezala". Aitortu du "arazo kulturala" dela, Poliziak geldiarazteko "oso zaila". "Hainbat arlotatik landu beharreko gaia da", aitortu du.
Datuak ere eman ditu. Azken urtean (2021eko azarotik 2022ko hilabete berera) arma zurien erabilerarekin lotutako 650 delituzko gertakari jaso ditu Ertzaintzak, gehienak indarkeriaz egindako lapurretekin edo lesio delituekin lotuta. Horrez gain, arma zuria eramateagatik 1.070 isun jarri ditu EAEko poliziak, legeak zigortutako jarduera baita.
Azkenik, Bilboko San Frantzisko auzoan izandako hilketa matxista hizpide, Segurtasun sailburuak biktimaren senitarteko eta lagunen jarrera gaitzetsi du. "Hilketa gertatu ostean, emakumea tratu txarrak pairatzen ari zela esan dute, gauza jakina zela, baina ez zuten salaketa aurkeztu, eta horrelakoetan, poliziak ezin du esku hartzerik egin", adierazi du. Erkorekaren arabera, "argi dago zerbaitek huts egin dutela, batez ere biktimaren inguruan"
Albiste gehiago gizartea
![(Foto de ARCHIVO)
[Sevilla] [Comunicacion.Csic.Andalucia] Ndp Científicos Del Csic Participan En La Obtención De La Escala De Riesgo Genético De Alzheimer Más Completa
REMITIDA / HANDOUT por CSIC
Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma
04/9/2025](https://s7g10.scene7.com/is/image/eitb/alzheimer:eitb-banner?$eitb-banner$&fmt=webp-alpha&qlt=80)
43.300 pertsonak baino gehiagok dute alzheimerra Euskal Herrian: prebentzioa oinarrizkoa duen erronka handia
Adituen arabera, 2050. urterako 120.000 pertsona baino gehiago izan daitezke kaltetuak. Senideen eta zaintzaileen elkarteek zaintzen dituztenen eskubideak aitortzearen garrantzia azpimarratu dute, eta ikusezin bihurtu ohi den lan hori nabarmendu dute.
Bi aktibista Kursaaleko zubitik zintzilikatu dira, Palestinaren aldeko manifestazio jendetsuaren ostean
Zinemaldiak eskaintzen duen foku mediatikoa aprobetxatuz, milaka pertsonak manifestazioa egin dute gaur arratsaldean Gipuzkoako hiriburuan. Amaieran, bi ekintzaile Kursaaleko zubitik zintzilikatu dira eta ordubetez baino gehiagoz eten dute trafikoa zubian, bai ibilgailuentzat, bai oinezkoentzat.
Bi ekintzaile Zurriolako zubitik zintzilikatu dira Donostian, Palestinaren alde egin duten manifestazioan
3.000 lagun bildu dira Gipuzkoako hiriburuan Gazan gertatzen ari den genozidioaren aurkako manifestazioan, Zinemaldiaren bigarren egunean. 19:30ean, bi ekintzaile Zurriolako zubitik zintzilikatu dira, eta dozenaka lagunek Kursaaleko zubia moztu dute bai ibilgailuentzat bai oinezkoentzat.
Esako urtegia bere edukieraren % 23an dago, azken urteetako mailarik txikienean
Nafarroako urtegiak edukieraren % 41ean daude batez beste. Esan, ostera, egoera bereziki zaila da. Urtegiko irudiak, drone batekin grabatuak.
Euskararen aldeko giza kate historikoa egin dute Igorren
700 lagunek baino gehiagok euskararen aldeko giza kate historikoa egin dute Igorren (Arratia). Arratiarrek gure hizkuntzaren aldeko irudi sinboliko zirraragarri eta indartsua osatu dute.
'Ibaitik Itsasora' martxa Hendaian amaitu da, Euskal Herrian zehar palestinar herriaren alde ibili ondoren
Ehunka pertsonak "genozidioa amaitzeko" eta "Israeli boikota egiteko" eskatu dute lau orduz Hendaiako kaleetan, eta "Europaren konplizitatea" salatu dute.
20 urteko gizon bat atxilotu dute Barakaldon, polizia-patruila bat jo, agente bati ukabilkada eman eta ihes egiteagatik
Ohe baten azpian eta poltsa batzuekin estalita aurkitu zuten ertzainek. Atxilotuak polizia-aurrekari ugari ditu, eta bikotekide ohiarengana hurbiltzea debekatzen zion kautelazko neurri bat urratu zuen ostegunean.
AP-1 autobidea itxi dute Eskoriatzan, Gasteizko noranzkoan, furgoneta batek eta kamioi batek talka egin ondoren
Istripua 08:50ean jazo da. Bertaratu diren osasun langileek furgoneta gidaria artatu behar izan dute, eta Txagorritxuko Ospitalera eraman dute.
DBHko eta LHko irakasleentzako LEP handia egiten ari dira BECen
Urduritasuna eta ilusioa nagusi izan dira larunbat honetan, azterketak hastean. Guztira, 1.268 lanpostu eskainiko dira Bigarren Hezkuntzako eta Lanbide Heziketako irakasleen artean, eta bitarteko langileen tasa % 4ra murriztuko da.
Osakidetzak irailaren 24ko Mahai Sektorialean proposatuko du lehen mailako arretan psikologoak jartzea
Alberto Martinez Osasun sailburuak iragarri du Saila aztertzen ari dela beste LEP berezi bat deitzea betetzen zailak diren lanpostuetarako.