Bizkaibuseko zerbitzua ia eten dute Ezkerraldean, 80 autobusi egindako sabotajearen ondorioz
Ezkerraldean eta Meatzaldean Bizkaibusen 80 unitateri egindako sabotajearen ondorioz, atzerapen handiak izan dira EMB Ezkerraldea-Meatzaldea Busen lineetan.
Juan Carlos Gonzalez enpresa-batzordeko presidenteak EITB Mediari adierazi dionez, zerbitzua ia etenda dago.
Bizkaiko Foru Aldundiak baieztatu duenez, Aparkabisako kotxetegietan aparkatuta zeuden 80 bat autobusi atzerako ispiluak eta beirak hautsi dizkiete goizaldean, baita pintaketak egin ere. Beraz, ezin dute zirkulatu kalteak konpondu arte.
CCOOk sabotajea gaitzetsi du. Sindikatuak EMB Ezkerraldea-Meatzaldea Bus emakidadunaren enpresa-batzordeko presidentza du, eta ohar baten bidez deitoratu ditu gertakariak herritarrei eragin diezazkiekeen arazoak.
Agiri berean, batzordeko presidenteak lan-gatazkari buruz hitz egin du, hainbat greba-egun eta mobilizazio egin ostean, egoera gero eta "jasangaitzagoa" dela ohartarazi du.
Konpainia horretako langileek 24 orduko lau greba egun egin dituzte orain arte, eta beste 12 lanuzte partzial iaztik, hitzarmenaren negoziazioaren blokeoa dela eta, sindikatuek erosteko ahalmenari eutsiko dion soldata-igoera eskatzen baitute.
Gainera, lanuzteak deitu dituzte hurrengo egunetarako: urtarrilaren 31rako; otsailaren 6, 16, 22 eta 28rako; eta martxoaren 6, 16, 22 eta 28rako.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.