Garraioan musukoa kentzeko erabakia hartzerakoan "elkarlanik ez" dela egon salatu du Sagarduik
Garraioan maskararen erabileraren derrigortasuna kentzeko erabakia ia aldebakarrez hartzea leporatu dio Gotzone Sagardui Eusko Jaurlaritzako Osasun sailburuak Espainiako Gobernuari. Horren iritzian, autonomia erkidegoen eta adituen iritzia aintzat hartuta ezarri beharreko neurria zen, eta, kasu honetan, "ez da apenas elkarlanik izan". Horren harira, bestalde, esan du pandemiaren egoera hobea bada ere, beharrezkoa den lekuetan eta momentuetan musukoa erabiltzearen aldekoa dela, "kutsatzeek jarraitzen dutelako". "Hedabideen bidez izan genuen erabakiaren berri. Lurralde arteko batzordean ez zuten jakinarazi, eta ez zen neurria partekatu", adierazi du.
Radio Euskadin egindako elkarrizketan, halaber, EH Bilduk gaur Eusko Legebiltzarrera eramango duen ekimenaz ere hitz egin du sailburuak. MIR espezialisten formazioaren eskumena EAEren esku uzteko eskatuko du koalizio abertzaleak. Horren harira, proposamena xeheago ezagutu gabe ez duela iritzirik emango esan du Sagarduik, baina "argi utziko dut gu transferentzia guztien alde gaudela". "Dena dela, orain, lehentasun nagusia MIR plaza guztiak betetzea da, arreta bikaina bermatzeko", azaldu du.
Sailburuak kezka agertu du "profesional eskasiaren" eta horrek kontratazioan eragiten dien arazoaren aurrean. Osasun sistemaren arazo nagusienetakoa dela esan du, ez bakarrik EAEn, baita Espainian eta ia mundu osoan ere..
Donostialdeko ESIari buruz galdetuta, berriz, Sagarduik azaldu du mahai gainean jarri diren arazoetako batzuk "Donostialdeko ESItik harago" doazela, eta "garapen sakonagoa" eskatzen dutela. "Ez dira berehala konpondu", erantsi du.
Azkenik, "harro" agertu da Osakidetzako hainbat osasun langile Turkiara joango direlako, laguntza humanitarioa eskaintzera. Eusko Jaurlaritzak ahal duen neurrian baliabideak eskainiko dituela ziurtatu du.
Zure interesekoa izan daiteke
Yala Nafarroak otsailaren 21ean kalera irteteko deia egin du Palestina ahaztu ez dadin
Manifestazioa 17:00etan egingo dute, Iruñean, Israelgo Estatuaren zigorgabetasuna salatzeko. Egun horretan Osasunaren eta Real Madrilen partidara joango diren zaleek ere manisfestaziora joateko aukera izango dutela azpimarratu du elkarteak.
Elisa Mouliaak aurrera jarraituko du Errejonen aurkako akusazioarekin, eta laguntza eskatu die beste biktimei
Aktorearen hitzetan "arbuiagarria da" Fiskaltzak diputatu ohiaren absoluzioa eskatu izana, Mouliaak auzitik irtetea erabaki ostean. Azaldu duenez, hamar hilabetez egon da Errejonek "jazarri, umiliatu eta inbaditu" zuela "frogatzen". Errejonen beste biktima batzuei auzian "gutxienez modu anonimoan" agertzeko eskatu die.
Arartekoak kritikatu du zezenketen legeak ez dituela adingabeengan sortzen dituen eraginak kontuan hartzen
Arauak sokamuturra, errekortariak edo entzierroak bezalako ospakizunei buruz dihardu, betiere 16 urtetik beherakoentzat badira eta tutoreen baimena behar badute.
?fmt=png-alpha&qlt=80)
Euskadiko biztanleen % 10,2 atzerritar nazionalitatekoak dira eta % 14 atzerrian jaioak
Zehazki, iazko urtarrilean 226.367 biztanlek zuten atzerritar nazionalitatea Euskadin, hau da, biztanleria osoaren % 10,2; 2024ko urtarrilean baino hiru hamarren gehiago, eta Espainiako Estatuko % 14,1eko batezbestekoaren azpitik.
35 urteko preso bat hil da Arabako espetxean
Espetxeetako egoera salatzeko, elkarretaratzea deitu du Salhaketa elkarteak datorren ostiralerako, 12:30ean, Gasteizko Andre Maria Zuriaren plazan.
Errejonek ez du ahozko epaiketaren hasieraren jakinarazpena jasoko, Mouliaak salaketa erretiratu ote duen argitu arte
Elisa Mouliaak agerraldia egingo du gaur, asteartea, eguerdian, "akusazio partikularrak jarraituko duen ala ez iragartzeko". Alfredo Arrien abokatuarekin batera agertuko da kazetarien aurrean, atzo bertan "zer erabaki hartu aztertzen" ari zela jakinarazi ostean.
Gizon bat ikertzen ari dira, Beran, semearen eskola-autobuseko gidariari eraso egiteagatik
Antza denez, adingabea lo geratu zen autobusean, eta ez zen ohiko geltokian jaitsi. Ondoren, ibilgailua aparkatuta zegoen lekuan aurkitu zuten.
Gizon baten gorpua aurkitu dute Leioako etxebizitza batean
Larunbatean aurkitu zuten gorpua, eta autopsia egin ondoren, Ertzaintzak ikerketa abiatu du gertatutakoa argitzeko.
Gorabeherak errepideetan, Txorrieriko igarobidean gehienbat, gutxienez 2 kilometroko auto-ilarak daude eta bertan
Lehen orduko gorabehera nagusiak Asua parean izaten ari dira, bai eta Gipuzkoako N-636 eta N-1 errepideetan ere.
Kataluniak 10 mila euroko isuna jarri dio higiezinen agentzia bati arrazakeriagatik
Hamidek eta bere familiak hainbat saiakera egin zituzten etxe bat alokatzeko, Mataron. Baldintzak bete arren, beti ezezkoa jasotzen zuten. Hamidek 13 aldiz salatu izan du diskriminazio tratuta erakundeen aurrean.