Pedrosa: "Ikastetxeetako gehiegizko eskaintza eragozteko neurriak aplikatuko ditugu lehen aldiz"
Eusko Jaurlaritzako Hezkuntza sailburuorde Begoña Pedrosa Euskadi Irratiko "Faktoria" saioan izan da gaur, asteartearekin, atzotik zabalik den 2023-2024 aurrematrikulazio kanpainak dakartzan berrikuntzei buruz jarduteko.
Lege bihurtzeko bidean den Hezkuntza Legearen zirriborroaren ildoak pixkanaka aplikatuko direla adierazi du, eta aldaketa horiek ekar ditzaketen arazoez galdetu diote. Hasteko, esan du ikastetxeetako gehiegizko eskaintza eragozteko neurriak hartuko dituztela lehen aldiz Euskal Autonomia Erkidegoan. "Badago behin-behineko planifikazio bat, eskabideak jaso, eta orduan egingo dugu egin beharreko ariketa. Ez dago, beraz, gaineskaintzarako arriskurik", azaldu du. Bestalde, azpimarratu du, zurrumurruak zurrumurru, eremu guztietan egongo dela bermatuta D ereduko eskaintza.
Kuotak dituzten ikastetxeekin elkarlan sendo eta sistematikoa dutela ere adierazi du. "Konpromiso batzuk ditugu. Gure ardura da kostuak bermatzeko esleitu beharreko baliabideak ziurtatzea, eta ikastetxeena da kuotak modu progresiboan jaistea", esan du.
Gaia nolabait aldatuta, Hezkuntza sailburuordeak ez du argitu ikasle faltagatik ikastetxerik itxiko duten ala ez: "Ez dugu horren gaineko estimaziorik egin, beste amets batzuk ditugu. Proiektu sendoak aurreikusi ditugu. Familiei zabaldu beharreko mezua da ikastetxeetan konfiantza izan behar dutela eta irakasleen konpromisoan sinetsi behar dutela; alegia, kalitatezko hezkuntza sistema dugula, eta hori elikatzen saiatu behar garela".
Hezkuntza Legearen onarpenaz hitz egiten bukatu dute elkarrizketa. "Bide onetik doa, elkarlana bizi-bizirik dugu, eta hor dago gako garrantzitsuena. Espero dut udaberrirako lege-aurreproiektua Legebiltzarrean egotea", nabarmendu du. Elkarrekin Podemos-IUrekin izandako tirabiraren inguruan ere baikor agertu da: "Akordioa lortzeko aukera dago, ezin da inor bide honetatik aldendu. Tentsioa gorabehera, aurrera goaz, eta gure aurreikuspena da azken argazkian den-denok egotea".
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.