Gizon batek emakume bati eraso egin dio Gasteizen
29 urteko gazte bat atxilotu du Udaltzaingoak Gasteizen bikotekideari eraso egiteagatik. Biktimak udaltzainei esan dienez, eskuarki jasaten zituen kontrola, jazarpena eta mehatxuak.
23:00ak aldera gertatu zen erasoa atzo, Koroatzearen auzoan. Ordu horretan, eraso matxistaren berri jaso zuten udaltzainek, dei baten bitartez.
Agenteek, baina, ez zuten inor aurkitu ustez erasoa gertatu zen lekuan. Inguruko establezimenduetako langileek auzoko etxebizitza batera bideratu zituzten, orduan, udaltzainak.
Emakumeak esan zienez, bikotekideak ez zion etxetik ateratzen utzi, eta eskuan min egin zion. Ospitalera eraman zuten beranduago.
Emakume bat atxilotu dute bere amari eraso egiteagatik
Bestalde, 56 urteko emakume bat hartu dute bart atxilo Arabako hiriburuan, amari (80 urtetik gorakoa) eraso egiteagatik. Antza denez, ez zen eraso egiten zion lehenengo aldia.
Udaltzaingoak gaur, ostegunarekin, jakinarazi duenez, erasotzailea 14:30 inguruan atxilotu zuten alde zaharreko etxebizitza batean. Etxeko indarkeria kasu baten berri jasota, erasoa gertatu zen lekura bertaratu ziren agenteak ordu horretan.
Etxebizitzara heltzean, ustezko erasotzailearekin egin zuten topo. Hark ohartarazi zien bere ama botikan zegola.
Poliziak emakumearen bila joan ziren, eta hantxe aurkitu zuten. Erasoa jaso izana onartu zuen biktimak, eta aitortu zien askotan jasaten zituela gisa horretako erasoak.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.