Valentzian gaixotutako gizonezkoak ez du Marburg gaitza
Valentziako Osasun Kontseilaritzak protokolo berezia jarri du martxan Marburgo birusaren ustezko kasu baten aurrean, baina laginak aztertu ostean, baztertu egin dute gaitz hori izatea. Ebolaren antzeko gaixotasuna da, eta Ekuatore Ginean atzeman da azken agerraldia otsailaren 13an.
Generalitateak jakinarazi duenez, gaixoaren laginak Madrilgo Carlos III.a Osasun Institutuko erreferentziazko laborategira bidali dituzte kasua baieztatu edo ezeztatzeko, eta azkenean ezeztatu egin dute, baita ebola denik ere.
Gaixotasunak eragiten dituen sintomak dituen 34 urteko gizonezko bat izan da susmagarria, Ekuatore Ginean egon baitzen agerraldia izan zenean.
Marburgo oso kutsakorra den gaixotasun hemorragikoa da, ebolaren familiakoa. Iraganean agerraldiak edo kasu bakanak atzeman izan dituzte Afrikako beste herrialde batzuetan: Ghanan, Conakri Ginean, Angolan, Kongoko Errepublika Demokratikoan, Kenyan, Hegoafrikan eta Ugandan.
Ebola bezain hilkorra da Marburgo birusak eragiten duen gaixotasuna, eta Afrikan 3.500 pertsonatik gora hil ditu.
Ebolak bezala, birusak hemorragiak eragiten ditu bat batean, eta heriotza eragin dezake egun gutxian. Inkubazioa 2 eta 21 egun artekoa da eta heriotza-tasa % 88koa.
Fruta saguzarrak dira birusaren jatorrizko ostalariak, eta gizakiei transmitituz gero, odolaren, listuaren, botakaren edo pixaren bitartez kutsatu daiteke.
Oraindik ez dute aurkitu gaitza sendatzeko txertorik edo tratamendu berezirik. 1967an atzeman zuten Alemaniako Marburgo hirian, Ugandatik iritsitako tximino batzuen azterketan, eta laborategiko teknikariak kutsatu egin ziren.
Albiste gehiago gizartea
Getxoko Areetako hondartzan aurkitutako lehergailua segurtasunez kendu dute Armadako urpekariek
Pertsona batek "objektu herdoildu bat" aurkitu du itsasertzean, 10:30ean, eta abisua eman du.
8 km-ko auto-ilarak A-8an, Muskiz parean, Kantabriarako noranzkoan, sei ibilgailuk elkar jo ostean
Istripua 17:45ean gertatu da, eta hiru erreietako bi itxi behar izan dituzte.
Karrantzako gazte bat atxilotu dute gasolindegietan 950 mila euroko iruzurra egiteagatik
Atxilotuak erregaia banatzen duen empresa bateko saltzaile gisa aukezten zuen bere burua eta prezio lehiakorrak eskaintzen zituen. Ikerketan zehar enpresa eta nortasun faltsuen sare bat aurkitu du Guardia Zibilak.
Oinezko bat hil da Biarritzen, auto batek harrapatuta
Gaur goizean hil da oinezkoa, Biarritzeko Beaurivage auzoan, auto batek harrapatuta.
Martxan da atun gorriak Getarian hazteko proiektuaren azken fasea
Getarian duela bi hilabete jarri zuten martxan atun gorrien haztegi bat itsasoan. Berrogeita hamar ale inguru sartu zituzten eta arrain urdina emanez gizentzen ari dira proiektu pilotu batean. Proiektuaren bideragarritasun ekonomikoa egiaztatzeko urrian kaioletatik aterako dituzte atunak.
Gizon bat atxilotu dute Donostian emakume bati sexu-erasoa egiteagatik
Biktimak atzo aurkeztu zuen salaketa Gipuzkoako hiriburuko polizia-etxean. Aitortu zuenez, sexu-erasoa egiteaz gain, gizonak zer egiten zuen eta norekin zegoen kontrolatzen zuela, eta bere lagunak ikustea debekatzen zion.
Gurutz Linazasoro neurologoak Alzheimerraren aurkako sendagai iraultzaile berrien iritsiera iragarri du
Gaixotasunaren jatorrian jarduten duten sendagaiak direla nabarmendu du, gaixotasunaren bilakaera "geldoagoa eta onberagoa" eragiten dutenak. Amerikako Estatu Batuetan eta Ingalaterran jada merkaturatzen dira.
Fiskaltzak zazpi urteko tratamendu psikiatrikoa eta inhabilitazioa eskatu du Kabiezeseko erizainarentzat
Alberto Martinez Osasun sailburuak ziurtatu duenez, Osakidetzak pertsona bat jarri zuen Santurtziko Kabiezes osasun zentroan txertaketak simulatzea egotzita epaitu duten erizaina "zaintzen", gertatzen ari zenaren berri izan bezain laster, lehen kexak jaso ondoren.
Robert Treviñok auzitara eraman du Euskadiko Orkestra, kaleratzeagatik
Euskadiko Orkestraren Administrazio Kontseiluak urtarrilean erabaki zuen Treviño zuzendari artistikoaren eta Roch orkestraren zuzendari nagusiaren zikloari amaiera ematea.
2023an Tolosako inauterietan foam pilotakada batek zauritutako gaztearen auzia berriz irekitzeko agindu dute
Gipuzkoako Probintzia Auzitegiak iaz artxibatutako auzia berriro irekitzeko agindu dio Tolosako Instrukzioko 1 zenbakiko Epaitegiari. Bere ustez, beharrezkoa da beste eginbide batzuk egitea Ertzaintzaren foam-pilotakada batek zauritutako gaztearen kasuan.