Asilo eskatzaileen arreta bere gain hartzeko eskatu dio Eusko Jaurlaritzak Migrazio Ministerioari
Eusko Jaurlaritzak asilo eskatzaileei ematen zaien "zerbitzuaren diseinua, kudeaketa eta koordinazioa" bere gain hartzeko eskatu dio Espaniako Gobernuko Gizarteratze, Gizarte Segurantza eta Migrazio Ministerioari, "lehen unetik".
Gizarte Politiketako Sailak eta Ministerioak bilera telematikoa egin dute astelehen honetan, eta bertan Lide Amilibia Gizarte Politiketako sailburu ordea eta Isabel Castro Migrazioen Estatuko idazkaria izan dira buru, Gizarte Politiketako Sailak jakitera eman duenez.
Bi lantalde sortzeko bi gobernuen arteko akordioaren baitan kokatzen da bilera; batetik, pertsona migratzaileei lan baimenen kudeaketa transferitzeko eta, bestetik, gaur bildu dena, migrazio eta harrera politiken jarduna eta gobernantza hobetzeko.
Bileran, euskal ordezkaritzak eskatu du "jarduera esparrua birdefinitzea, gai horretan inplikatzeko borondatea duten gobernu autonomikoek, beren lurralde eremuan, nazioarteko babes eskatzaileei eta onuradunei ematen zaien zerbitzua diseinatzeko, kudeatzeko eta koordinatzeko eginkizunak euren gain har ditzaten, hasiera hasieratik eta harrera prozesuaren fase guztietan".
Gainera, adierazi duenez, "ezinbestekoa da lankidetza eta kogobernantza eredu bat bultzatzea, are gehiago kontuan hartuz gero osasunaren, hezkuntzaren edo gizarte prestazioen arloko eskumenak, besteak beste, erakunde autonomikoetan eta toki erakundeetan daudela".
Bileran erabaki da talde hori, martxoan berriro bilduko dena, Espainiako Gobernuak Gasteizko Arana egoitzan errefuxiatuei harrera egiteko proiektatutako zentroaz ere arduratuko dela. Egoitza horrek aurrez aurre jarri ditu bi gobernuak, bai eta EAJ eta PSE-EE ere.
Albiste gehiago gizartea
Ertzaintzak abiadura kontrolatzeko kanpaina bat egingo du datorren astean
2024an, EAEko errepideetan trafiko-istripuetan hildako pertsonen % 32 abiadura desegokiarekin lotutako ezbeharretan zendu ziren.
![(Foto de ARCHIVO)
[Sevilla] [Comunicacion.Csic.Andalucia] Ndp Científicos Del Csic Participan En La Obtención De La Escala De Riesgo Genético De Alzheimer Más Completa
REMITIDA / HANDOUT por CSIC
Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma
04/9/2025](https://s7g10.scene7.com/is/image/eitb/alzheimer:eitb-banner?$eitb-banner$&fmt=webp-alpha&qlt=80)
43.300 pertsonak baino gehiagok dute alzheimerra Euskal Herrian: prebentzioa oinarrizkoa duen erronka handia
Adituen arabera, 2050. urterako 120.000 pertsona baino gehiago izan daitezke kaltetuak. Senideen eta zaintzaileen elkarteek zaintzen dituztenen eskubideak aitortzearen garrantzia azpimarratu dute, eta ikusezin bihurtu ohi den lan hori nabarmendu dute.
Bi aktibista Kursaaleko zubitik zintzilikatu dira, Palestinaren aldeko manifestazio jendetsuaren ostean
Zinemaldiak eskaintzen duen foku mediatikoa aprobetxatuz, milaka pertsonak manifestazioa egin dute gaur arratsaldean Gipuzkoako hiriburuan. Amaieran, bi ekintzaile Kursaaleko zubitik zintzilikatu dira eta ordubetez baino gehiagoz eten dute trafikoa zubian, bai ibilgailuentzat, bai oinezkoentzat.
Bi ekintzaile Zurriolako zubitik zintzilikatu dira Donostian, Palestinaren alde egin duten manifestazioan
3.000 lagun bildu dira Gipuzkoako hiriburuan Gazan gertatzen ari den genozidioaren aurkako manifestazioan, Zinemaldiaren bigarren egunean. 19:30ean, bi ekintzaile Zurriolako zubitik zintzilikatu dira, eta dozenaka lagunek Kursaaleko zubia moztu dute bai ibilgailuentzat bai oinezkoentzat.
Esako urtegia bere edukieraren % 23an dago, azken urteetako mailarik txikienean
Nafarroako urtegiak edukieraren % 41ean daude batez beste. Esan, ostera, egoera bereziki zaila da. Urtegiko irudiak, drone batekin grabatuak.
Euskararen aldeko giza kate historikoa egin dute Igorren
700 lagunek baino gehiagok euskararen aldeko giza kate historikoa egin dute Igorren (Arratia). Arratiarrek gure hizkuntzaren aldeko irudi sinboliko zirraragarri eta indartsua osatu dute.
'Ibaitik Itsasora' martxa Hendaian amaitu da, Euskal Herrian zehar palestinar herriaren alde ibili ondoren
Ehunka pertsonak "genozidioa amaitzeko" eta "Israeli boikota egiteko" eskatu dute lau orduz Hendaiako kaleetan, eta "Europaren konplizitatea" salatu dute.
20 urteko gizon bat atxilotu dute Barakaldon, polizia-patruila bat jo, agente bati ukabilkada eman eta ihes egiteagatik
Ohe baten azpian eta poltsa batzuekin estalita aurkitu zuten ertzainek. Atxilotuak polizia-aurrekari ugari ditu, eta bikotekide ohiarengana hurbiltzea debekatzen zion kautelazko neurri bat urratu zuen ostegunean.
AP-1 autobidea itxi dute Eskoriatzan, Gasteizko noranzkoan, furgoneta batek eta kamioi batek talka egin ondoren
Istripua 08:50ean jazo da. Bertaratu diren osasun langileek furgoneta gidaria artatu behar izan dute, eta Txagorritxuko Ospitalera eraman dute.
DBHko eta LHko irakasleentzako LEP handia egiten ari dira BECen
Urduritasuna eta ilusioa nagusi izan dira larunbat honetan, azterketak hastean. Guztira, 1.268 lanpostu eskainiko dira Bigarren Hezkuntzako eta Lanbide Heziketako irakasleen artean, eta bitarteko langileen tasa % 4ra murriztuko da.