3 urtetik beherako seme-alabak dituzten 15.000 familiak eskatu dute dagoeneko 200 euroko laguntza
0 eta 3 urte bitarteko haurrak dituzten familiei zuzenduta, hilean 200 euroko diru laguntzak onartu zituen Eusko Jaurlaritzako Berdintasun, Justizia eta Gizarte Politiken Sailak, eta hiru egunean, ostirala barne, 15.462 eskaera jaso dituzte. Sail horretako arduradun Nerea Melgosak eman ditu datuok Radio Euskadin gaur egin dioten elkarrizketan.
Lurralde bakoitzeko datuak kontuan izanda, 2.512 eskaera jaso dituzte Araban, 5.330 Gipuzkoan eta 7.620 Bizkaian. Apiriletik aurrera hasiko dira laguntzak ematen, eta, aurreikusi dutenez, 65.000 lagunengana iritsiko dira.
Izan ere, Euskal Autonomia Erkidegoan bizi diren familia guztiek eska ditzakete laguntzak, betiere, hiru urtez azpiko haurrak badituzte. Esan bezala, hilabetero 200 euro jasoko dituzte familia horiek, eta 100 euro hiru seme-alaba dituztenek (gazteenak zazpi urte bete arte).
Neurri horrekin 7.200 euro jasoko dituzte ume bakoitzeko 0-3 urte arteko umeak dituztenek, eta 4.800 euro gehiago, hiru seme-alaba dituztenek.
Melgosa, Sanchezen proposamenaz
Pedro Sanchez Espainiako presidenteak atzo iragarri zuenez, erabakitze-organoetan emakumeen eta gizonezkoen Ordezkaritza Parekiderako Legearen tramitazioa onartuko du datorren asteartean Ministroen Kontseiluak.
Iragarpen horri buruz, Melgosak esan du beti dela berri ona "berdintasunaren alde aurrerapausoak ematea".
Dena den, elkarrizketan ziurtatu du komunikabideen bidez jaso duela albistea, eta, horrenbestez, ez duela sakon aztertzeko adina ezagutzen.
Aitzitik, iaz Legebiltzarrak onartutako Berdintasun Legea ekarri du gogora, "Sanchezek proposatutako zenbait kontu jaso eta betetzen dituelako".
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.