Bizkaian desegindako sexu-esplotazio sareko biktimak drogak hartzera eta prostituitzera behartzen zituzten
Martxoaren hasieran Bizkaian desegin zuten sexu-esplotazio sarearen biktima ziren 13 emakumeak drogak hartzera eta prostituzio lanetan aritzera behartzen zituzten, ikerketaren iturriek jakinarazi dutenez. Emakume guztiak euren jatorrizko herrialdeetan erakarri, eta Bizkaira eramaten zituzten.
Sareak harrapatutako emakumeak osasunaren kalterako ziren baldintza penagarrietan bizi ziren. Esplotazio lekutik egunean soilik ordubetez ateratzeko baimena ematen zieten, eta une oro zelatatuta zituzten. Horretarako telebista zirkuitu itxiak erabiltzen zituzten. Asteko egun guztietan eta ordu guztietan bezeroak hartzera behartuta zeuden. Horrez gainera, arduradunek antolatutako jai tematikoetan kokaina kontsumitzera eta bezeroek eskatutako guztia egitera behartzen zituzten.
Barakaldon, Bilbon eta Fruizen egin zen "Alipar" operazioa martxo hasieran. Une hartan, 7 lagun atxilotu eta 13 emakume askatu zituzten. Horrez gainera, 35.000 euro, kokaina, marihuana, hainbat telefono mugikor, ordenagailuak, TPV gailuak, monitoreak, CCTV grabagailuak, sildenafilo pilulak, amoxicilina eta dokumentazio ugari atzeman zuten Guardia Zibileko agenteek.
Ikerketa egin duten agenteek jakin dutenez, gutxienez, 2017tik ari zen lanean desegindako sare hori, eta hainbat herrialdetako biktima ugari kontrolatu ahal izan dituzte urte horietan guztietan.
Taldeak Hego Amerikako herrialdeetan erakartzen zituen emakumeak, batik bat, Paraguain eta Kolonbian, zaurgarritasun egoeran zeudela baliatuz. Europara etorri eta lan eta bizi baldintza erakargarriak agintzen zizkieten. Hainbat lekutan eskalak egin ondoren, Bizkaiara eramaten zituzten eta han ematen zieten euren benetako lan-baldintzen berri. Taldearen buru emakume bat aritzen zen, eta bestelako funtzioak beste bost emakumek eta gizon batek betetzen zituzten.
Babestutako testigu batek Guardia Zibila gertatzen zenaz ohartu zuenean hasi zen ikerketa. Atxilotutako zazpi lagunei hainbat delitu leporatu dizkiete: gizakien salerosketa, prostituzioa eta sexu-esplotazioa, osasun publikoaren aurkako delitua, dirua zuritzea, talde kriminal bateko kide izatea eta atzerritarren eskubideen aurkako delitua.
Albiste gehiago gizartea
Adimen artifizialak itzulpenaren mundua astindu du
Adimen artifizialak itzulpenaren mundua irauli eta ofizioa prekarizatu du. Gaur egun, kopia baten prezioan ordaintzen zaie itzultzaileei euren lana, ez sortzaileei bezala. Profesionalek uste dute teknologiak ez dituela pertsonak erabat ordezkatuko, baina lan egiteko modua aldatuko duela.
Zaintza arloko langileak zerbitzuen eredu publikoa eskatzeko mobilizatu dira Gasteizen
Mobilizazioa Gasteizko Bilbo plazatik abiatu da, "Kalitatezko euskal zaintza eredu baten bidean, publifikazioa!" lelopean.
"Sententziak zapore gazi-gozoa uzten digu"
Aitzol Asla Kabiezesko osasun-zentroko erizainaren biktimen abokatuak adierazi duenez, kaltetutako 400 adingabeen familiek ez dute epaiaren aurkako helegiterik aurkeztuko, baina iragarri dute Osakidetzari erantzukizunak eskatzen jarraituko dutela.
'Santa Maria' ontziaren erreplika Donostiara iritsi da
Ontzia urriaren 8tik 19ra bitartean bisitatu ahal izango da, 10:00etatik 19:30era. 200 tonako itsasontzia da, 28,30 metroko luzera, 7,96 metroko zabalera eta 3,49 metroko puntala dituena. Makila nagusiaren altuera ia 25 metrokoa da, flotazio-marratik goialderaino.
Bilboko metroaren energia, Bilbobusen elikagarri
Bilbobuseko autobus elektrikoak Bilboko metroaren energiaz baliatzen dira gauean kargatzeko. Bilboko metroaren potentzia Bilbobuseko kotxetegietara eramaten dute, hurbilen dagoen azpiestaziorainoko konexio baten bidez, eta energia 14 karga-puntutan banatzen da. Proeiktuari esker, orain arte, 426 tona CO2 aurreztu dira.
Dagoeneko 17 dira Bernedoko udalekuaren kontra aurkeztutako salaketak, Zupiriaren arabera
Segurtasun sailburuak azaldu duenez, gehienak exhibizionismo eta derrigortze delituekin lotutakoak dira, baina badago sexu-erasoekin zerikusia eduki lezakeen salaketaren bat.
Absolbitu egin dute Santurtzin 400 adingabe txertorik gabe utzi zituen erizaina, asaldura psikologikoa duela iritzita
Bizkaiko Auzitegiak zigorraren ordez segurtasun-neurriak ezarri dizkio: kanpoko tratamendu medikoa eta erizaintzan lan egitea debekatzea, eta 20.000 euroko kalte-ordaina ordaindu beharko dio Osakidetzari.
Istripua izan da A-8an, eta Max Center parean auto-ilarak eratu dira, Irunerako noranzkoan
Hainbat ibilgailuk talka egin dute A-8 autobideko 124. kilometroan (BI-10), Max Center parean. Ezkerreko erreia itxita dago eta auto-ilara luzeak daude Irunerako noranzkoan.
Lau hildako Madrilen, eraikin bat behera etorrita
Madrilgo erdigunean lau izarreko hotel egiteko zaharberritzen ari diren eraikin baten barruko forjatuan erori zen.
“Online bideojoko hauen diseinua baliatuz, pedofiloek haurrak hurbiltzea lortzen dute”
Pediatrek ohartarazi dute hainbat bideojoko haur eta nerabeentzako arriskutsuak direla; online jolastekoak, batik bat. Ezagunena Roblox da, munduan 380 milioi erabiltzaile baino gehiago baititu. Telmo Lazkano hezkuntza eta osasun digitalean adituak horrelako plataformek nola funtzionatzen duten kontatu du.