EAEko 15 urtetik gorako herritarren % 28k egunero egiten dute kirola, eta % 64,3k, astean behin
EAEko 15 urtetik gorako herritar gehienek, hirutik bik, kirola egin dute azken urtebetean, horien % 27,7k egunero edo ia egunero, % 67k astean behin, eta % 1,7k hamabostean behin. Batez ere, 64 urtetik gorakoak dira kirola egunero egiten dutenak. Datuak sexuen arabera bereizita, bada alderik: emakumeek (% 58) gizonek (% 71) baino kirol gutxiago egiten dute, eta batzuek eta besteek kirola egiteko aire zabaleko tokiak dituzte gogokoen, hor ere sexuen arteko aldeak nabarmenak diren arren.
EAEko kirol-ohiturei buruzko inkesta egin du Eusko Jaurlaritzako Jarduera Fisikoaren eta Kirolaren Zuzendaritzak, eta aipatutako horiek dira ondorioetako batzuk. 15 urtetik gorako 2.300 herritar galdekatu zituzten 2022ko irailaren 19a eta urriaren 10a bitartean, telefono bidez, herritarrek kirola egiteko dituzten ohiturei buruzko informazioa jasotzeko.
Ondorio nabarmenetakoa da herritar gehienek, % 64k, egiten dutela kirola, maiztasunean alde esanguratsuak dauden arren: 10etik 3k egunero egiten dute jarduera fisikoren bat, eta ia 7k, astean behin gutxienez. Galdetutakoen % 35,7k, berriz, kirolik ez duela egiten adierazi dute.
Sexuen arteko aldea agerikoa da kirolean, maiztasunari zein kirol modalitateari dagokienez. Inkestaren bidez ondorioztatu dutenez, emakumeek gizonek baino kirol gutxiago egiten dute, % 58 eta % 71, hurrenez hurren. Era berean, emakumeek (% 36,7) batez ere kirol arina egiten dute (paseoa, dantza, pilatesa, yoga…), eta gizonek (% 40,3), berriz, kirol gogorragoak (alpinismoa, eskalada…). Oro har, gizonek gehiago egiten dute aire zabaleko kirola, eta emakumeek gehiago erabiltzen dituzte kirol-instalazioak. Nolanahi ere, mendiko jarduerak nabarmentzen dira: azken urtean kirola egin duten hiru herritarretik batek mendiarekin lotutako kirola egin du.
Modalitatearekin lotuta, adina erabakigarria da. 65 urtetik gorakoek kirol arinak egiten dituzte gehien, eta 35 urtetik beherakoek, berriz, kirol gogorragoak.
Herritar gehienek, % 42,6k, bakarka egiten dute kirola, baina hor ere aldeak daude sexuen artean: kirola beste batzuekin batera egiten duten emakumeen kopurua (% 50,4) gizonena (% 40,3) baino hamar puntu handiagoa da.
Galdetegia erantzun dutenen ia erdiak kirol elkarte, klub edota instalazioren bateko bazkideak dira, eta herritar gehienek osasunagatik eta sasoian egoteko egiten dute kirola.
Azkenik, kirolari buruzko politikei buruz galdetuta, EAEko biztanleriaren gehiengo zabala kirol guztietan euskal kirol selekzioak izatearen eta horiek lehiaketa ofizialetan parte hartzearen aldekoa da.
Zure interesekoa izan daiteke
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.
Basurtuko Ospitaleko Psikiatria pabiloian 31,9 gradu arteko tenperaturak daudela salatu dute
Basurtuko Ospitaleko Escuza pabilioiak (psikiatria-eremua hartzen duena) ez du klimatizaziorik hotzean, eta 31,9 gradura arteko tenperaturak izan ditu eraikin barruan. Lan Ikuskaritzaren ustez, eraikinaren egituran arazoak daude, eta baldintza termiko egokiak bermatzeko neurriak eskatu dizkio Osakidetzari.
Arabatik Urbasara lekualdatu dute Rapunzel filmaren filmaketa
Disneyren Enredados filmaren zuzeneko bertsioaren filmaketa Gaubean amaitu dute, eta orain Nafarroako mendilerroan ari dira lanean; hainbat bidezidor eta aparkaleku itxita egongo dira abuztuaren amaierara arte.
"Lan emankorra" egin ahal izan dute gauean Rigloseko sutean, Huescan, euriari esker
Ahalegin gehienak Jacatik gertu dagoen Oroel mendian zentratuko dira berriro ere ondorengo orduetan. Tenperaturak igo egingo dira eta haizeak egoera zaildu dezakeela uste da.
Irrikitaldia kalejira antzeztuak amaiera bikaina eman dio Donostiako Aste Nagusiari
Donostiako alkate aldaketa edo La Oreja de Van Goghen itzulera. Horiexek, besteak beste, Irrikitaldiak utzi dizkigun irudiak. Parodiaz jositako desfilearekin amaiera eman diete Piratek Aste Nagusiari. Urtean zehar hirian gertatu diren kontuak antzezten dituzte kritikaz eta umorez.
Renfek autobus bidez eskainiko du Beasain eta Tolosa arteko zerbitzua gaurtik aurrera, lanak direla eta
Beasain eta Tolosa arteko tren zerbitzua sei egunez etengo dute, abuztuaren 17tik 19ra eta 29tik 31ra.
Iruñeko Iturrama auzoko obra batzuen bilakaera jarraitzeko behatoki bereziak jarri dituzte
Misericordia egoitzan bizi diren herritarren artean obrek piztu duten interesaren ondorioz, eraikuntza-enpresak sei leiho ireki ditu lanak estaltzen dituen oihalean. Batek baino gehiagok irmo kritikatu ditu leihoen ondoan idatzitako esloganak.
Llantenoko sutea kontrolpean dute, 100 hektarea inguru kiskali ondoren
Suteak itzaltzeko zerbitzuek lanean jarraitzen dute erabat itzali arte, haizeak eta tenperatura altuek ez baitute laguntzen. Familia batek etxera itzuli ahal izan du igande honetan.