Genero indarkeria
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Nerabezaroan gertatutako genero-indarkeriarekin lotutako 22 dei jaso zituen Zeuk Esan zerbitzuak 2022an

Horrez gainera, genero-indarkeriaren biktimak artatzeko zerbitzu orokorrak ia 3.000 dei jaso zituen eta horietatik bost 18 urtetik beherako emakumeekin lotuta zeuden.
Nerea Melgosa eta Miren Elgarresta Behin eta berriro ekimena ikusten Basaurin. Argazkia: Irekia.
Nerea Melgosa eta Miren Elgarresta Behin eta berriro ekimena ikusten Basaurin. Argazkia: Irekia.
author image

EITB Media

Azken eguneratzea

Haur eta nerabe adingabeei eta haien familiei laguntza eskaintzen dien Zeuk Esan (116 111) zerbitzuak 22 dei jaso zituen 2022an nerabezaroan gertatutako genero-indarkeria kasuekin lotuta.

Guztira, 1.058 dei jaso zituen zerbitzuak. Indarkeria matxista kasuei buruzko 22 horietatik, bost dei adin txikiko neskek egindakoak izan ziren. Gainerako deiak nerabeen inguruko helduek egin zituzten.

Berdintasun, Justizia eta Gizarte Politiketako sailburuak, Nerea Melgosak, azaldu duenez, dei horietan "adin txikiko bikoteek dituzten harreman afektiboei eta indarkeriari buruz" galdetzen dute. Deitzaileek "harreman toxikoak detektatzen eta prebenitzen laguntzeko orientazioa eskatzen" dute.

Zerbitzu honetan jasotakoei gehitu behar zaizkie genero-indarkeriaren biktima diren emakumeei zuzendutako zerbitzu orokorrera, Satevi zerbitzura (900 840 111), egindako deiak. Zerbitzu honetan, 2022an, 2.953 dei jaso ziren. Erakundeak zuzenean 1.379 emakume artatu zituen; horietatik bostek 18 urte baino gutxiago zituzten eta beste 144 neska 18 eta 30 urte artekoen taldean zeuden.

Nerea Melgosa sailburuak azaldutakoaren arabera, "Sateviko 900 840 111 telefonoa indarkeria matxistaren biktimen euskal sisteman sartzeko ate nagusietako bat da. Emakunderen iazko estatistiken arabera, 1.867 emakume dira 30 urtetik beherako genero-indarkeriaren biktimak".

Behin eta berriro ekimena

Basaurin eman ditu datu hauek Berdintasun, Justizia eta Gizarte Politiketako sailburuak, Bizkaiko herri horretan jarri duten Behin eta berriro ekimena bisitatzen izan denean. Emozioak eta herritarrak sortuz, herritarrak sentsibilizatzea eta kontzientziatzea du helburu Agintzari kooperatibako gizarte-hezitzaileen talde baten irudimenetik sortutako ekimen honek.

Basauriko Marienea emakumeen etxean argi eta soinu inguratzaileen bidezko instalazio bat jarri dute. Bertan, eguneroko bizitzako hainbat une birsortzen dira, eta hainbat agertokitan zehar bidaiatzen da, hala nola haurrentzako gela batean, gazteentzako lonja batean, bullying-a egiten den eskola-gela batean edo epaiketa bateko ikuspegi-gela batean.

Nerea Melgosak ekimenaren "hezkuntza-lana" goraipatu du. Halaber, esan du Eusko Jaurlaritza "kezkatuta" dagoela gazteenen sentsibilizazioarekin. Indarkeria matxistaren biktimekiko sentsibilizazioa eta prebentzioa bateratu nahi izan ditu. "Hemen sentsibilizatzen den eta emakumeenganako berdintasunezko eta indarkeriarik gabeko gizarterako aldaketaren protagonista den mutil bakoitza; instalazio hori bisitatzen duen emakume gazte bakoitza ohartzen bada harreman toxiko batean murgilduta dagoela, urrats bat izango da norabide egokian", ondorioztatu du.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Gizartea Indarkeria matxista Eusko Jaurlaritza Indarkeria matxistaren biktimak Eguneko Titularrak

Zure interesekoa izan daiteke

18:00 - 20:00
Zuzenean
Duela  min.

Gure Eskuk “HERRITU” aurkeztu du, Euskal Herriaren erabakitzeko eskubidearen alde agertzeko

Gure Eskuk “HERRITU” ekimena aurkeztu du gaur, euskal komunitatea sendotzeko eta zutabeak indartzeko helburua duen tresna gisa. Euskarri modura txartel fisiko edo birtuala izango du. Harpidetza egiten duenak Euskal Herria 7 herrialdek osatutako nazio bat dela, eta euskararen eta erabakitzeko eskubidearen aldeko atxikimendua adieraziko du. Durangoko azokan jarriko da martxan eta asmoa herriz herri zabaltzea da, 10 euroko harpidetzaren truke.

18:00 - 20:00
Zuzenean
Duela  min.

Osakidetzak anbulatorioetan psikologoak kontratatzeko prozesua ireki du

Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean. 

Gehiago kargatu
Publizitatea
X