Donostiako gotzainak, abusuez: "Eliza ez da ondo aritu, baina gauzak egiten dabil gertatutakoa gainditzeko"
Donostiako gotzain Fernando Prado elkarrizketatu dute gaur, astelehenarekin, Euskadi Irratiko "Faktoria" saioan, Jose Ignacio Munillaren lekua hartu zuenetik 100 egun bete direnean.
Euskaraz eskainitako lehen elkarrizketan, Elizan gertatutako sexu gehiegikeriak hartu ditu mintzagai, eta onartu duenez, "batzuetan ez ditugu gauzak ondo egin". "Horrek ez du esan nahi ezer ezkutatu nahi genuenik. Abusuak dauden familietan ere gertatzen da zenbait gauza ezkutatzea, beldurragatik, irudia zaintzeko... Gaur egun, gauza asko egiten ari da Eliza gertatutakoa gainditzeko, biktimak erdigunean jarrita", azaldu du. Horren harian, erantsi du Elizan soilik ez direla gertatzen abusuak, alegia, "gizartearen arazoa" dela. "Fokua Elizan soilik jarrita, ez dugu arazoaren egia bere sakontasunean kontuan hartzen", adierazi du. Horregatik, "bidegabea" iruditu zaio Eliza eta gizartea konparatzea. "Gipuzkoan, adibidez, 60 urtean 6 abusu kasu soilik gertatu dira Elizaren baitan", esan du.
Homosexualitateari buruz galdetuta, nabarmendu du bide ezberdinak daudela. "Ez da gauza bera 20 urte edo 40 izatea, ezta bidea modu batean edo bestean egitea ere. Elizak ez du inor zigortu homosexuala izateagatik", gaineratu du.
Elizkizunetan geroz eta jende gutxiago egoten dela onartuta, fedea "berpizten" saiatuko dira, Pradoren hitzetan. "Elizaren planteamendu batzuk ez dira ulerterrazak jendearentzat, eta hori jakin badakigu. Ez du esan nahi gure pentsatzeko edo jokatzeko modu horiek finkoak direnik, baina badugu planteamendu kontrakultural bat; hau da, inoiz ez dugu esango, adibidez, abortuaren alde gaudenik. Beste kontu bat da gisa horrelako gaiak nola bideratzen diren", zehaztu du.
Albiste gehiago gizartea
Gizonezko bat atxilotu dute Algortan, Portu Zaharreko jaietan sexu-eraso bat egiteagatik
Udalak eta Jai Batzordeak elkarretaratzea deitu dute gaurko, 19:00etan, Portu Zaharreko eskaileretan.
Andre Maria Zuriaren jaien balantze oso positiboa: gasteiztarrek gertutik bizi eta gozatu dituzte jaiak
Maider Etxebarria Gasteizko alkateak Andre Maria Zuriaren jaien balorazio "oso positiboa" egin du. Izan ere, herritarrek gertutik bizi eta gozatu dituzte jaiak, eta parte-hartze handia izan da egun askotan. Gainera, bizikidetza izan da nagusi. Bestalde, delinkuentzia ia % 30 jaitsi da, eta ia ez da gertakari aipagarririk izan. Sexu-eraso larrien protokoloa ez da aktibatu, baina sexu-askatasunaren aurkako zortzi salaketa egon dira. Orkestren kontzertuek eta musika emanaldiek 148.000 pertsona bildu dituzte, iaz baino 18.000 gehiago.
Altzan atxilotutako gizon batek erasotako biktimak Gipuzkoako Foru Aldundiaren tutoretzapean daude
EITBk jakin ahal izan duenez, atxilotua ez daerakundeko gizarte hezitzaile bat, foru erakundetik kanpoko pertsona bat baizik. Halaber, Gipuzkoako Foru Aldundiak hasiera-hasieratik aktiboki lan egin du Ertzaintzarekin.
Jendetza bildu da Andre Maria Zuriaren plazan, Zeledon agurtzeko
Zeledonen igoerak eman die amaiera Gasteizko jaiei, alaitasuna nagusi izan den sei egunen ostean. Jendetza bildu da goizaldean Andre Maria Zuriaren plazan, blusa eta nesken kuadrillekin elkartutako txarangen ondoan. Hala, Zalduondoko baserritar maitatua San Migel elizako dorrera itzuli da, datorren urtera arte.
22 urteko bi pertsona hil dira eta bat larri zauritu da Berantevillan izandako trafiko-istripu batean
Zauritua Txagorritxuko Ospitalera eraman dute.
Airez eta lurrez ari dira lanean Zarrakaztelun piztu den baso-sutean
Suhiltzaileekin batera, sei helikoptero eta lau hegazkin ari dira lanean, horietako bat koordinazio lanetan. Oraingoz, ez dago arriskurik herritarrentzat. Gauean, lurretik aritu dira sua itzaltzeko lanetan.
Kanoikadaren eztandarekin, lehertu da Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.