Bi partida bertan behera geratu dira Bizkaian, arbitroari eraso egiteagatik
Asteburu honetan, bi partida bertan behera geratu dira Bizkaian, arbitroen aurkako erasoengatik. Lehenengoa Basaurin gertatu da, behin eta berriz irainak eta heriotza-mehatxuak jaso ondoren, Ariz eta Uritarra taldeen arteko partidako epaileak partida aldi baterako bertan behera uztea erabaki baitu. Orozkon ere utzi dute bertan behera partida bat, kanporatutako jokalari batek marrazain bati txistua bota ondoren.
Basauri
Aritz eta Uritarra taldeen arteko eskola futboleko partida batek eragin du azken polemika Bizkaian. Izan ere, partidako arbitroak indarkeriaren aurkako protokoloa jarri zuen abian, behin eta berriz irainak eta heriotza-mehatxuak jaso ondoren. Epaileak eskatuta, etxeko taldeak Ertzaintzari deitu zion, eta ateak itxita ekin zioten partidari, 45 minutu geldituta egon ondoren.
Bizkaiko Futbol Federazioak adierazi duenez, Lehiaketa Batzordeak partidaren akta aztertuko du, gertakariak zigorrak inposatzeko nahikoak diren zehazteko.
Gertakariak
Partidaren amaieran epaileak egindako aktaren arabera, irainak etengabeak izan ziren lehen zatian. Hori dela eta, hiru epaileek Espainiako Federazioaren indarkeriaren aurkako protokoloan jasotakoari jarraituz, megafoniaz gertakarien berri ematea erabaki zuten.
"81. minutuan, mehatxuek gora egiten zutela ikusi ondoren, protokoloaren bigarren fasea aktibatu genuen, eta partida 45 minutuz eten genuen. Gure osotasun fisikoa arriskuan zegoela ikusita, Ertzaintzari deitzeko eskatu genuen (...), eta ertzainek jakinarazi zuten zelaia hustea zela partidarekin jarraitzeko modu bakarra, gure segurtasuna bermatzeko baliabide nahikorik ez zutelako", epailearen arabera.
Hala ere, norgehiagoka amaitu ondoren, epaileak poliziaren laguntza eskatu behar izan zuen "Ariz taldeko sinboloak zeramatzaten zale batzuk" aldageletako irteeran zeudelako.
Federazioaren babesa
Iñaki Gomez Mardones Bizkaiko Futbol Federazioko presidentearen hitzetan, epailearen jarduna "zuzena" da , eta aktan jasotakoa "harrigarria" dela erantsi du.
Radio Euskadin egindako elkarrizketa batean, Mardonesesk esan du akta Lehiaketa Batzordearekin batera aztertuko dutela, gertatutakoa zigortzeko arrazoirik ote dagoen zehazteko.
Klubaren erantzuna
Pablo Paranas Arizko presidenteak, bere aldetik, esan du gertatutakoa "puztu" egin dela eta epaileak eskolta gabe irten zirela futbol-zelaitik.
"Ondo dago arbitroek zelaian agintea izatea, baina gauza hauek serioak dira. Gu gara horrelako gertakariak gaitzesten ditugun lehenak", azaldu du Paranasek Radio Euskadin egindako elkarrizketan.
"Ez dugu geure burua justifikatu nahi, baina gehiegizkoa dela uste dugu", esan du presidenteak.
Orozko
Basaurin gertatutakoaz gain, epaileek beste eraso bat jasan dute Bizkaian. Hain zuzen ere, Orozkon gertatu da, eta, horren aurrean, epaileak bertan behera utzi du partida.
Kasu honetan, kanporatutako jokalari batek eragin du erabaki hori, marrazain bati txistua bota baitio.
Albiste gehiago gizartea
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.
CIC bioGUNEren ikerketa batek gibeleko minbizi arraro eta oldarkor bat tratatzeko bide berri bat aurkitu du
Aurkikuntzek iradokitzen dutenez, zelulen barruan magnesioa garraiatzeaz arduratzen den CNNM4 proteinaren blokeoak tratamendu zuzen, seguru eta eraginkorra eskain lezake, minbizi horren aurkako terapia pertsonalizatuetarako bide berriak irekiz.