Hegaldi laburren debekua Frantzian: Neurri egokia al da kutsadura murrizteko?
Frantziak bertan behera utzi ditu herrialdearen barruan egiten diren hegaldi laburrak, betiere bi ordu eta erdi baino gutxiagoan trenez egiteko aukera badago, zuzenean, geldialdirik gabe eta maiztasun eta ordutegi egokian. Neurri horrek, hala, gaur egun, Paris-Orly eta Bordele, Nantes eta Lyongo aireportuen arteko konexioak ezabatzea dakar.
Eztabaida piztu du neurriak klima-aldaketaren aurka lanean diharduten askoren artean, aurrerapausoa bada ere, neurri eskasa dela uste baitute, eta anbizio handiagoa eskatu dute horrelako araudiak diseinatzeko orduan, emisioen murrizketari dagokionez eragina maximizatzeko; izan ere, salbuespenak eta baldintzak tarteko, neurriak eraginkortasun errealetik baino gehiago sinbolikotik duela uste dute.
Kontuak kontu, norabide berean etorkizunean pauso gehiago emateko lehen urratsa izan daitekeela uste du Jon Sampedro Basque Centre for Climate Change (BC3) ikerketa zentroko ikerlariak. Abiazioaren azken ingurumen-txostenak (hiru urtean behin egiten da) jasotakoaren arabera, Europatik aireratu ziren hegazkinen isurketek % 34 egin zuten gora 2005 eta 2019 artean, 147 milioi tonaraino, eta garraiobideek eragiten dituzten isurketen % 14 hegazkinek sortzen dute.
Aspaldidanik dago hegazkinen kutsaduraren afera mahai gainean, eta Frantziak hartutako bidetik, Espainiako Gobernuak ere, hainbat alderdi politikok bultzatuta, hegazkinen kutsadurari aurre egiteko neurri hori aztertu du. Ekologisten ustez, arau hori ez litzateke oztopo handia izango aire-konpainientzat, horien negozioaren muina hegaldi luzeak direlako. Baina, ekonomia tarteko, erakundeek eta hegazkin-konpainiek trabak baino ez dituzte jarri, Sampedroren esanetan.
Horren aurrean, gizarteak badu erantzukizun handi bat. Egia da geroz eta barneratuago dugula gure artean planetaren iraunkortasuna bermatzen duten neurriak hartzea. Hegazkinek zenbat kutsatzen duten ere gauza jakina da, baina oporrak iristen direnean, askok hegazkina hartzen dute, etxetik ez oso urrun joateko ere, beste garraiobide iraunkorrago bat aukeratu beharrean, itsasontzia edo trena kasu.
Ba al dakigu, adibidez, Bilbotik Madrilerako bidaia autoz, trenez edo hegazkinez egiten badugu, alde handia dagoela kutsadurari dagokionez?
Bilbo-Madril ibilbidea trenez, hegazkinez eta autoz
Garraioen sektorean karbono dioxidoaren emisioak areagotzen ari dira, eta, ekologisten esanetan, hegazkinak dira horren erantzule nagusiak. Gauzak horrela, Jon Sampedro klima-aldaketaren aurka lanean diharduen ikerlariak argi du garraiorako beste aukera batzuk topatzea dela lehentasuna, oraingoz ez baitago hegazkin jasangarririk.
Zure interesekoa izan daiteke
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.