Leioako etxebizitza batean hiru orduz gotortu den gizona etxetik atera dute
Astelehen honetan Leioako (Bizkaia) etxebizitza batean hiru orduz gotortu den gizonezkoa etxetik atera dute ertzainek, eta atxilo eraman dute, anbulantzian, Gurutzetako Ospitalera, Eusko Jaurlaritzako Segurtasun Sailak EITB Mediari jakitera eman dionez.
Zehazki, desordena publikoa eta mehatxuak egotzi dizkiote 54 urteko gizonezkoari, hainbat objektu leihotik kalera bota ostean. Bizilagun batzuek ziurtatu dute armatuta ikusi dutela, eta katana batzuk eta bi arma labur topatu dituzte haren etxean. Ertzaintzak oraindik ez du argitu benetakoak edo itxurazkoak diren.
Udaltzaingoak eta Ertzaintzak dispositibo bateratua aktibatu dute 07:10 aldera, Sabino Arana kalean, eta agenteek ingurua itxi dute. Suhiltzaileak eta anbulantzia bat ere bertaratu dira.
Suhiltzaileek koltxoneta handi bat jarri dute etxebizitzaren balkoiaren azpian, zenbait bizilagunen arabera, buruko osasun arazoak izan ditzakeen gizonak bere burua leihotik behera botatzeko arriskua zegoelako.
Bitartean, inguruan zeuden ertzainak, negoziazio-taldeko kideekin batera, gizonaren etxean sartu dira 10:00ak aldera, eta esku-ohean atera dute gizona. Gurutzetako Ospitalera eraman dute, anbulantzian.
Polizia-operatiboa 10:30 aldera amaitu da, ertzainak gizonezkoaren etxean sartu eta handik atera dutenean. Anbulantzian eraman dute ospitalera.
Albiste-agentziek Eusko Jaurlaritzako Segurtasun Saila aipatuz zabaldu dutenez, "arazoren bat" izan ondoren, gizonezkoa etxebizitza horren balkoian zegoela jaso dute bertaratzeko abisua.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.