Gas leherketa batek gutxienez 37 zauritu, lau egoera kritikoan, eta bi desagertu utzi ditu Parisen
Hainbat eraikinek kalteak izan dituzte gas-leherketa handi baten ondorioz, Parisko bosgarren barrutian, Panteoitik gertu. Hori dela eta, agintariek ingurua saihesteko gomendatu diete herritarrei; izan ere, segurtasun eta larrialdietarako dispositibo zabala jarri dute martxan. Gutxienez 37 pertsona zauritu eta bi desagertu dira, Parisko hedabideen arabera.
Poliziaren Buruzagitzak zehaztu du zaurituetako lau egoera kritikoan daudela, eta gainerakoak arinago, Le Figaro egunkariaren esanetan.
Lekuko batek ziurtatu duenez, kaltetutako eraikinetako baten fatxada behera etorri da. Paris American Academy moda eskola hartzen zuen bi solairuko eraikina erori da, Val de Grace ospitaletik oso gertu, gas-leherketa baten eraginez, eta sua piztu da hainbat eraikinetan.
Gerald Darmanin Barne ministroak Twitterren azaldu duenez, Saint Jacques kalean gertatu da sutea, eta suhiltzaileen lana ez oztopatzeko eskatu die herritarrei.
Jendarmeek eta militarrek segurtasun-hesia jarri dute inguruko kaleetan, sugarrak itzaltzeko 200 suhiltzaile baino gehiago ari baitira lanean.
Edouard Civel bosgarren barrutiko alkatetzako bigarrenaren hitzetan, Alfonse Laveran plazan izandako gas-leherketak eragin du tragedia.
Hala ere, Laurent Nuñez Parisko polizia-prefeta, Anne Hidalgo Parisko alkatearekin batera prentsari egindako adierazpenetan, "oso zuhur" agertu da eztanda zerk eragin duen esateko orduan. Laure Beccuau Parisko fiskalak, Nuñezek bezala, ideia bera azpimarratu du: "Oraingoz, ez dago esaterik eztanda zerk eragin duen". Ikerketa egin eta zaintza-kameren irudiak aztertuko dituztela erantsi du.
Nuñezek nabarmendu du biktimen balantzea behin-behinekoa dela, hondakinen artean biktimak bilatzeko lanetan jarraitzen dutelako, sua kontrolatu ondoren.
Albiste gehiago gizartea
Gizon bat hil dute gaur goizean Bilbon, eta Ertzaintzak ikerketa abiatu du
Biktimak arma zuriz egindako zauriak zituen bularrean, eta oraindik ez dute identifikatu.
Ertzaintzak abiadura kontrolatzeko kanpaina bat egingo du datorren astean
2024an, EAEko errepideetan trafiko-istripuetan hildako pertsonen % 32 abiadura desegokiarekin lotutako ezbeharretan zendu ziren.
![(Foto de ARCHIVO)
[Sevilla] [Comunicacion.Csic.Andalucia] Ndp Científicos Del Csic Participan En La Obtención De La Escala De Riesgo Genético De Alzheimer Más Completa
REMITIDA / HANDOUT por CSIC
Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma
04/9/2025](https://s7g10.scene7.com/is/image/eitb/alzheimer:eitb-banner?$eitb-banner$&fmt=webp-alpha&qlt=80)
43.700 pertsonak baino gehiagok dute alzheimerra Euskal Herrian: prebentzioa oinarrizkoa duen erronka handia
Adituen arabera, 2050. urterako 120.000 pertsona baino gehiago izan daitezke kaltetuak. Senideen eta zaintzaileen elkarteek zaintzen dituztenen eskubideak aitortzearen garrantzia azpimarratu dute, eta ikusezin bihurtu ohi den lan hori nabarmendu dute.
Bi aktibista Kursaaleko zubitik zintzilikatu dira, Palestinaren aldeko manifestazio jendetsuaren ostean
Zinemaldiak eskaintzen duen foku mediatikoa aprobetxatuz, milaka pertsonak manifestazioa egin dute gaur arratsaldean Gipuzkoako hiriburuan. Amaieran, bi ekintzaile Kursaaleko zubitik zintzilikatu dira eta ordubetez baino gehiagoz eten dute trafikoa zubian, bai ibilgailuentzat, bai oinezkoentzat.
Bi ekintzaile Zurriolako zubitik zintzilikatu dira Donostian, Palestinaren alde egin duten manifestazioan
3.000 lagun bildu dira Gipuzkoako hiriburuan Gazan gertatzen ari den genozidioaren aurkako manifestazioan, Zinemaldiaren bigarren egunean. 19:30ean, bi ekintzaile Zurriolako zubitik zintzilikatu dira, eta dozenaka lagunek Kursaaleko zubia moztu dute bai ibilgailuentzat bai oinezkoentzat.
Esako urtegia bere edukieraren % 23an dago, azken urteetako mailarik txikienean
Nafarroako urtegiak edukieraren % 41ean daude batez beste. Esan, ostera, egoera bereziki zaila da. Urtegiko irudiak, drone batekin grabatuak.
Euskararen aldeko giza kate historikoa egin dute Igorren
700 lagunek baino gehiagok euskararen aldeko giza kate historikoa egin dute Igorren (Arratia). Arratiarrek gure hizkuntzaren aldeko irudi sinboliko zirraragarri eta indartsua osatu dute.
'Ibaitik Itsasora' martxa Hendaian amaitu da, Euskal Herrian zehar palestinar herriaren alde ibili ondoren
Ehunka pertsonak "genozidioa amaitzeko" eta "Israeli boikota egiteko" eskatu dute lau orduz Hendaiako kaleetan, eta "Europaren konplizitatea" salatu dute.
20 urteko gizon bat atxilotu dute Barakaldon, polizia-patruila bat jo, agente bati ukabilkada eman eta ihes egiteagatik
Ohe baten azpian eta poltsa batzuekin estalita aurkitu zuten ertzainek. Atxilotuak polizia-aurrekari ugari ditu, eta bikotekide ohiarengana hurbiltzea debekatzen zion kautelazko neurri bat urratu zuen ostegunean.
AP-1 autobidea itxi dute Eskoriatzan, Gasteizko noranzkoan, furgoneta batek eta kamioi batek talka egin ondoren
Istripua 08:50ean jazo da. Bertaratu diren osasun langileek furgoneta gidaria artatu behar izan dute, eta Txagorritxuko Ospitalera eraman dute.