Iritsi da uda, garai eraginkorrena etxeetan sartzen diren lapurrentzat
2022an, 6.000 etxe baino gehiagotan sartu ziren lapurrak Araban, Bizkaian eta Gipuzkoan. Datu hori 2019an baino apalagoa da (2020 eta 2021 urte bereziak izan ziren). Beheranzko joera hori ere 2023ko lehen lauhilekoan nabaritu da; tarte horretan 800 lapurreta inguru zenbatu dituzte EAEko poliziek, iaz garai berean baino gutxiago.
Datuek norabide positiboa erakusten badute ere, zuhurrak izaten jarraitzeko gomendioa egiten dute adituek, batik bat udan. Muskizeko ertzain-etxeko unitate buruak, Pablo Abad Gutierrezek, Euskadin gertatzen diren lapurreta gehienak opor garaian izaten direla argitu du.
Lapurreta horietako gehienak bizilagunak bertan ez daudenean gertatzen dira. Hain zuzen ere, etxeak denbora luzez hutsik dauden garaia aukeratzen dute normalean horrelako gaizkile-taldeek barrura sartu eta ondasunak eramateko. Abaden arabera, lapurrek nahiago izaten dute azkar eta zaratarik atera gabe aritu eta inorekin ez topo egin.
Teknologiak aurrera egin ahala, gaizkileek etxeetara sartzeko erabiltzen dituzten teknikak ere berritu egin dira. Sarraila erraz zabaltzea lortzen ez badute, apurtzen saiatzen dira. Askotan entzuten ditugu bumping eta impressioning teknikak edota atea txartel bat edo gakorde bat erabiliz ireki dutela.
Lapurreta saihesteko gomendioak
Baina al dago modurik lapurrak gure etxera sartzea ekiditeko? Ertzaintzak garai honetan urtero kaleratzen ditu lapurreten aurkako gomendioak; bai festa giroan, kalean, gerta daitezkeen lapurretak ekiditeko, baita oporretara goazenean hartzeko neurriei buruzko gomendioak ere. Lapurrei etxera sartzea zailtzeko, besteak beste, ekintza hauek egin ditzakegu: beti atea giltzaz itxi - baita etxe barruan gaudenean ere -, ate inguruan agertu daitezkeen seinaleei adi egon, bidaian noiz joango garen ez zabaldu, postontzia hustu eta konfiantzazko norbaiti tarteka pertsianak mugitzeko eskatzea, eta abar. Aurten, etxeko sarrailei begirada bat botatzeko eta ahalik eta seguruenak jartzeko gomendioa ere egin dute.
Sarraila seguruak
Errenteriako Otaño sarrailen dendako Itoiz Etxenagusiaren hitzetan, ez dago merkatuan lapurrak etxera sartzea erabat saihestuko duen sarrailarik. UCES sarrailagile seguruen elkarteko kideak dira eta, aditu gisa, lapurrei zeregina zaildu behar zaiela uste dute; alegia, ahalik eta oztopo gehien jartzean. Atea zabaltzeko denbora luzea behar badute eta zarata atera behar badute, saiakera bere horretan utzi dezakete.
Horretarako, lehendabizi, gure etxeko sarrailaren ezkutuari eta zilindroari begiratzeko gomendatzen digu. Sendoak eta seguruak izan beharko lirateke, apurtzen zailak direnak. Teknologiak berrikuntza ugari ekarri ditu sektore honetara ere azken urteetan eta gero eta material seguruagoak daude merkatuan. Zalantzaren bat gelditzen bazaigu, gainera, bigarren sarraila bat jartzeko aukera ere aipatu du.
Albiste gehiago gizartea
Beste sute bat piztu da Artaxoa eta Añorbe artean, baina suhiltzaileek egonkortzea lortu dute
Sutea 18:13an hasi da, eta ez du zerikusirik astearte honetan piztu ziren biekin. Sutea garagar eta gari uzta jasota dagoen galtzu soroen eremu batean hasi da, baina gertu du basoa.
EHUk Bakearen aldeko Adierazpena sinatu du Hiroshiman, eta Bengoetxea errektoreak Gazako sarraskia salatu du
Joxerramon Bengoetxeak "memoria ariketaren garrantzia" azpimarratu du. "Unibertsitateok gure esku dagoena egitera behartuta gaude, errepika ez dadin eta gertatutakoa ahaztu ez dadin", erantsi du.
Osasun alerta gorria Nafarroan eta abisu horia EAEn eta Ipar Euskal Herrian datozen egunetako beroagatik
Ostegunetik aurrera tenperatura altuak espero dira, eta Nafarroako Erriberan 40 gradura iritsiko dira. Balio horiek igandera arte behintzat mantenduko direla aurreikusten da. Gainera, ostiralean tenperatura maximoak 35 gradutik gorakoak izan daitezke, ez bakarrik Arabako hegoaldean, baita Kantauri aldeko barnealdean ere.
Paketatzeko makina batek eragin zuen Izarbeibarko sutea
Sua kontrolpean dute jada suhiltzaileek. Bilakaera onari esker, Nafarroako Gobernuak malgutu egin du nekazaritzako lanak debekatzen zituen agindua.
Gidari batek mugikortasun-agente bat aurretik eraman du, 5 metro arrastaka eraman ere, aparkalekura sartu nahi zuelako, Donostian
Agentea hiriburuko geltokian dagoen aparkalekuko sarreran zegoen, autoei sartzea galarazten, beteta baitzegoen. Une horretan azeleratu eta parkingera sartzen saiatu zen, eta aurretik eraman du agentea. Atxilotu egin dute autoaren gidaria.
Uda honetako beroak 41 heriotza utzi ditu orain arte Euskadin
Abuztu honetan, oraingoz, pertsona bakarra hil da Euskadin tenperatura altuen ondorioz. Heriotza hori udako bigarren bero-boladaren hasierarekin batera gertatu da, eta beroak luze joko du. Segurtasun Sailak hainbat abisu hori aktibatu ditu.
Jaurlaritzak diskoteketan atezain izateko betekizunak aldatzeko prozesua hasi du, Gasteizko Mitikan gazte bat hil ondotik
Gasteizko Mitika diskotekaren aurrean atezainak kolpea jota hil zen gaztearen gurasoek eskatuta, Eusko Legebiltzarreko gehiengo zabal batek Jaurlaritzari eskatu zion gaueko aisialdiko segurtasun pribatua arautzen duen legedia azter eta molda dezan, atezainek dituzten "jarrera oldarkorrak" saiheste aldera.
Bilbori Aste Nagusi usaina dario! Hasi dira txosnak muntatzen
Aurten, "Txosnak. Gureak, denonak" kanpainaren kolore arrosa izango da nagusi txosnaguneko dekorazioan, konpartsak eta txosnak Euskal Herriko ondare immaterial izenda ditzaten aldarrikatzeko. Bilboko Konpartsek azpimarratu dute txosnagunean ez dutela inolako erasorik onartuko.
"Erraz sar daiteke Cotolinon, ikuspegia polita da, baina arriskutsua da gauean"
Endika Martinez Kantabriako DYAko larrialdietako teknikari eta itsasoko operatiboen arduradunak Castro Urdialesko itsaslabarretik erori eta ospitalean hil den 12 urteko mutilaren erreskatearen nondik norakoak azaldu ditu.
Hiru gizon atxilotu dituzte Donostian, biltegi batean indarra erabiliz lapurreta egiteagatik
27 urteko bi gizon eta 29 urteko bat hartu ditu atxilo Ertzaintzak asteazken goizaldean, Intxaurrondo auzoan.