Txirrindularitza zaleek harrera beroa egin diote Tourreko tropelari euripean, Bilbon
Txirrindularitza zaleen herriak harrera beroa egin dio Tourreko tropelari gaur arratsaldean, Bilbon. Guggenheim Museoaren ondoan, Abandoibarrean, taldeen aurkezpena egin dute. Milaka jarraitzaile hurbildu dira lasterketa protagonistei ongietorria egitera. Zeremonian zehar euria egin badu ere, horrek ez ditu txirrindularitza zaleak kikildu.
Txirrindulari eta talde guztiak txalo artean hartu dituzte jarraitzaileek, baina, noski, harrerarik beroena etxekoek izan dute, besteak beste, Mikel Landak, Pello Bilbaok eta Izagirre anaiek.
CONTENIDO NO ENCONTRADO
Euskarak eta euskal kulturak protagonismo berezia izan dute aurkezpen ekitaldian. Txirrindularietatik hasita, talde gehienak eta lasterketako protagonista gehienak txapela jantzita igo baitira eszenatokira. Aurkezpenaren ardura izan duen EITBko kazetariak, Xabier Usabiagak, euskaraz hitz egin die mundu osoko ikus-entzuleei, eta protagonista euskaldunak herriko hizkuntzan elkarrizketatu ditu. Marion Heraultek frantsesez zuzendu zaie bertaratutakoei.
Gainera, txalaparta, aurreskua, ETS, Süne, Kukai eta Neomakek euskal musikari eta kulturari lekua egin diote ekitaldian.
Aurkezleek Gino Mäder txirrindularia gogora ekarri dute, duela bi aste Suitzako Itzulian izandako eroriko baten ondorioz hil zena, eta minutu bateko isilunea egin dute haren oroimenez.
Guggenheim Museoaren ondoko agertoki handira igo den lehen taldea Bahrain Victorius izan da, Mikel Landa txirrindulari arabarra buru zuela, eta Joane Somarriba Gernikako txirrindulari ohia "ibilbideko kapitain" gisa lagun zutela.
Parte hartu duten talde guztietako gainerako txirrindulariek ere "ibilbideko kapitain" baten laguntza izan dute: Agurtzane Elorriaga, Miguel Mari Lasa, David Etxebarria, Abraham Olano, Marino Lejarreta, Iban Mayo, Roberto Laiseka, Julian Gorospe, Juan Manuel Garate, Fede Etxabe, Javier Murgialdai, Jose Nazabal, Igor Gonzalez Galdeano, Haimar Zubeldia, Amets Txurruka, Igor Anton, Iker Camaño, Unai Osa, Beñat Intxausti, Jon Unzaga eta Iñaki Gaston.
Miguel Indurainek ere parte hartu du aurkezpenean, Frantziako Tourra bost aldiz irabazi duenak, 2023ko edizioa irabazteko faboritotzat jo du Jumbo Visma taldeko Jonas Vingegaard, 2022ko Frantziako Tourreko irabazlea, "aukera gehien" dituelako. Nabarmendu duenez, Euskal Herrian zaletasun handia dago eta "Tourra etxeko atera etortzeak asko bizikletarekin probatzera animatuko ditu".
CONTENIDO NO ENCONTRADO
CONTENIDO NO ENCONTRADO
CONTENIDO NO ENCONTRADO
Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Erregelamenduaren erreforma berriak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.