Denbora eta plangintza gehiago beharko da Bilboko aireportura heltzeko, Tourreko zirkulazio-murrizketengatik
Bilboko aireporturako sarbidean ere eragina izango dute bihar Frantziako Tourraren inaugurazio-etapako zirkulazio-murrizketek. Aenako iturrien arabera, Loiura sartzeko bide nagusiak irekita egongo dira, eta aireportuan normaltasunez jardungo da. 128 hegaldi baino gehiago irtetea eta iristea espero da. Txorierriko korridorea, aerodromora sartzeko ohiko bidea, irekita egongo da, baina harekin konektatzeko ohi baino buelta gehiago eman beharko dira.
Horregatik, aldez aurretik planifikatzea eta Frantziako Tourrarekin lotutako zirkulazio-murrizketa zehatzei buruz informatzea gomendatzen da, baita tokiko agintariek gomendatutako ibilbide alternatiboak kontsultatzea ere.
Kontuan hartu beharko da zein ordutan igarotzen den etapa udalerri bakoitzetik, eta kalkulatu udalerri horretako bideak itxita egongo direla txirrindulariak igaro baino hiru ordu eta laurden lehenago eta ordubete geroago.
Garraio publikoa aukera bikaina izan daiteke trafiko-murrizketak saihesteko. Bizkaibuseko A3247 lineak, aireporturako zuzeneko lineak, ohiko zerbitzu-ordutegiak mantenduko ditu, baina irteera bakarra egingo du Intermodaletik 5:00etatik 15:45era, eta ordu horretan ohiko geldialdiak berraktibatuko dira. Loiutik, berriz, 15:10era arte Intermodalera arteko bidea egingo du soilik, eta ordu horretatik aurrera ohiko geralekuak berreskuratuko ditu.
Trafiko etendurak Bilbon
Bilbon, ordutegi multzoen arabera ezarri eta antolatuko dira trafiko-etenak. Horrela:
• Bilborako San Mameseko sarbidea itxita egongo da 06:30etik 14:00etara.
• Artxandako tunelak, Txorierritik hasita, itxita egongo dira 06:30etatik 18:30era Ugaskorako bidean (Deusturako noranzkoan); Begoñatik, berriz, 24 ordu iraungo du mozketak (ekainaren 30eko 22:00etatik hilaren 1eko 22:00etara). Eta tuneletatik Salberaino (Errekalde Zumarkalerako noranzkoa), mozketa 08:30etatk 14:00etara egingo dute.
• Enekuriko sarbideak arian-arian itxiko dituzte 08:00etatik aurrera, eta 18:15ak aldera normaltasuna berreskuratuko da.
• Bilborako N-634 errepideko sarbidea Ibarsusi parean itxita egongo da 08:00etatik 22:00etara.
• Zumalakarregi Etorbidean zirkulazio-murrizketak egongo dira ostiraleko 22:00etatik, eta helmugaren azken ibilbidea erabat itxita egongo da, larunbateko 12:30etik uztailaren 2ko (igandea) 18:00etara.
Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.