Giro epela eta hezea izango da Euskal Herrian Tourraren irteerako asteburuan
Frantziako Tourraren irteeraren harira, mundu guztiko telebistetan agertuko da asteburu honetan Euskal Herria, eta gure lurralde honetako landa eremu gehienak horren berde zergatik egon ohi diren bistan geldituko da, zeruan hodeiak eta ostarteak izango baitira nagusi datozen egunotan, eguzki goxoa eta euri zaparradak, tartekatuta.
Gaur ostirala, giro freskoarekin argitu du egunak, hodeitsu eta euri apur batekin, eta termometroak ozta-ozta iritsiko dira 20 ºC-ra. Goizean, Kantauri isurialdean, zaparrada batzuk bota ditu baina arratsaldetik aurrera atertu egingo du, nahiz eta ipar-ekialdean, euri apur bat egin dezakeen oraindik. Hegoaldean bai, ostarteak izango dira nagusi.
Larunbatean, hodeiak gailenduko dira, ipar partean batez ere; bertan, egunaren zati handi batean estalita egongo da zerua eta baliteke zaparrada txikiak botatzea, batez ere goizean eta gauean eta ipar-ekialdean. Hegoaldeko eremuetan, hodeiak eta ostarteak tartekatuko dira. Tenperaturek pare bat gradu egingo dute gora; 22 graduren bueltan ibiliko dira kostaldean eta 23-24 gradu inguruan hegoaldean. Mendebaldeko eta ipar-mendebaldeko haizea ibiliko da.
Igandean berdintsu jarraituko du eguraldiak. Goizean zehar lainotua egongo da zerua, kostatik gertu bereziki, eta euria egin dezake, batez ere, ipar-ekialdean. Arratsaldean, atertu egingo du eta ostarteak zabaltzen joango dira. Larunbatean bezala, Araba hegoaldean eta Nafarroa erdialde eta hegoaldean, giroa argiagoa izango da, hodeiak eta urdinguneak tartekatuko baitira. Tenperaturak beste koska bat egingo du gora eta 22-23 gradura iritsiko dira kostaldean eta 25 ingurura barnealdean. Mendebaldeko haizea ibiliko da.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.