Gizon batek bikotekidea hil du Burgosen
Espainiako Poliziaren Burgoseko agenteek 42 urteko gizon bat atxilotu dute gaur, bere bikotekidea, 20 urteko emakume bat, hil duelakoan.
Arratsaldean gertatu da ezbeharra, Burgoseko hiriburuko Cid etorbidean partekatzen zuten etxebizitzan, Espainiako Poliziak larunbat honetan ohar baten bidez jakitera eman duenez.
Poliziak jakinarazi dutenez, emakumeak 112 telefonora deitu du hiru eta erdiak aldera, bikotekidearekin arazoak zituela jakinarazteko. Ondoren, atxilotuak deitu du larrialdietarako telefonora, emakumea oso urduri zegoela eta gela batean giltzapetu dela esanez, labana batekin.
Agenteak iritsi direnean, emakumea hilda zegoen. Bikotekideak bere burua urkatu duela eta gorpua berak eskegi duela argudiatu du atxilotuak.
Eszena eta jasotako zantzuak nahasgarriak izan dira hasieran; ondoren, baina poliziak gizona atxilotu du hilketaren ustezko egile gisa.
Gizonak aurrekariak ditu aurreko bikotekidearen aurkako genero-indarkeriagatik. Eta hildakoa, poliziaren oharren arabera, aurreko bikoteen biktima izana zen, baina ez zegoen emakumearen salaketarik, ustez bere hiltzailea izan den gizonaren kontra.
Zure interesekoa izan daiteke
Arrantza-sektoreak belaunaldi-erreleboa behar du
Euskararen alde larunbatean Baionan izango den manifestazioak babes zabala eskuratu du
Olatuak lau metrora iritsiko dira ostegunean, eta hainbat pasealeku itxi beharko dituzte Donostian
Topo berriak bere lehen bidaia egin du, herritarrei ateak ireki baino 72 ordu lehenago
Auzitegi Nazionalak onartu egin du bi emakumek Julio Iglesiasen aurka sexu erasoagatik jarritako kereila
Nafarroako Gobernuak berriz lizitatuko du Belateko tunela amaitzeko lanen idazketa eta zuzendaritza, 1,7 milioi euroan
Sutea piztu da Lasarteko Zapategi kaleko etxebizitza batean
GTA VI argitaratzearekin batera, handitu egin da lanera joango ez diren beharginen kopurua
Bi adin txikiko eta bi emakumez osatutako familia bat etxegabetu dute Santutxun