Dena prest Iruñean 2023ko sanferminei ongietorria emateko
Hasi da atzerako kontaketa 2023ko sanferminak hasteko. Iruindarrak irrikaz daude gaur eguerdian zapi gorria lepoan jantzi eta bederatzi eguneko jaiei ongietorria emateko. Udaletxeko plazan jaia lehertzeko ordu gutxi falta diren honetan, hiriko kaleetan sumatzen da dagoeneko jai-usaina.
Luis Sabalza Club Atletico Osasunako presidenteak jaurtiko du aurtengo txupinazoa, Iruñeko futbol taldeak egin duen denboraldi handia omentzeko asmoz, eta une horretatik aintzinera festa hiriko txoko guztietan zabalduko da. Nafarroako erdialde eta hiriburuan euria eta ekaitzak iragarri ditu AEMET Espainiako Meteorologia Agentziak, eta abisu horia ezarri du arrazoi horregatik. Jaiaren hasiera bertatik bertara bizi ezin duenarentzat, aurten ere, txupinazoa zuzenean jarraitu ahal izango da ETB1en eta eitb.eus-en.
Presidente gorritxoak Jagoba Arrasate taldeko entrenatzailea eta David Garcia eta Unai Garcia kapitainak izango ditu ondoan udaletxeko balkoian, baita Osasuneko zuzendaritza ere. Osasuna Conference Leaguetik kanpo uzteko UEFAk hartutako erabaki polemikoak (errekurtsoa jarri dio jada talde nafarrak) ez du Osasunaren klasifikazio historikoa —bere mende pasatxoko historikoan lehen aldiz lortu du Espainiako Superkoparako eta aipatu Europako lehiaketarako txartela— belzterik lortu. UEFAren lorratza, dena den, Iruñeko balkoietan igarri da, eta hainbat pankarta eskegi baitituzte "justizia" eskatuz eta Europako futbol elkartearen erabakia gaitzetsiz.
Iruñeko balkoietan UEFAri erreferentzia egiten dioten pankartak. Argazkia: EFE
Beste behin kaleak protagonismo berezia hartuko du sanferminetan uztailaren 6tik 14ra, 540 ekitalditik gora antolatu baitira. Musika eta tradizioek ez diote berrikuntzei tarte handirik utziko eta gustu eta publiko guztientzako ekitaldiak izango dira; kontzertuak Foruen Plazan, Gaztelukoan edo Konpainiakoan, gaiteroak, txistulariak, errondaila edo banda, besteak beste.
Txikienek ere ez dute aspertzeko betarik izango sanferminetarako prestatu diren 145 ekitaldiekin. Gauza jakina da, baina, erraldoi eta buruhandien konpartsa izaten dela ekintzarik arrakastatsuena.
Ohikoa den moduan goizero egingo diren entzierroek ikusmina sorraraziko dute Iruñera gerturatzen den ororen artean. Uztailaren 7tik 14ra egingo dira, eta EITBk zuzenean emango ditu goizero, 07:45etik aurrera, ETB1en eta eitb.eus-en. Entzierroaren ibilbidea seguruagoa izan dadin, ez labaintzeko produktua dagoeneko bota dute.
Peñek ere berebiziko garrantzia dute sanferminetan, horiek arduratzen baitira kaleei musika eta giroa jartzeaz. Festei hasiera emateko irrikaz daude eta prest dituzte euren pankartak.
Zure interesekoa izan daiteke
Eskola jazarpenagatik iaz aztertutako 2.263 kasuetatik 522 baieztatu ditu Hezkuntza Sailak
2024-25 ikasturtean eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.