Laino eta lanbro artean doa agurtzen uztaila
Uztaileko azken asteburua eguzkitsu hasiko den arren, zerua gris egongo da asteburuko ordu gehienetan eta lurraldearen zati handi batean.
Gaur, ostirala, uda egun batez gozatuko dugu. Zerua ez da erabat garbi egongo, batez ere goizean; ostarteak erdi eta goi mailako hodeiekin tartekatuko dira, baina eguna, oro har, argitsua izango da. Haizea, aldakor eta ahul ibiliko da eta arratsaldean iparraldetik finkatuko da, tarteka bizi. Nafarroan, eguna argia izango da, baina hodeiak ugaritzen joango dira eta ez da baztertzen arratsaldean zaparrada txiki bakanak botatzea Pirinioetan eta Kantauri isurialdean, ezta han-hemenka ekaitza lehertzea ere. Tenperatura maximoak ez dira asko aldatuko, 30 gradutik gorakoak izango dira barnealdean eta 25 gradutik gorakoak kostaldean.
Larunbat lainotua, euria arratsaldean
Larunbatean zerua hodei gutxirekin esnatuko da hegoaldean eta tarteka hodeitsu iparraldean. Egunean zehar hodeiak ugaritu egingo dira eta arratsaldean oso hodeitsu geratuko da iparraldean; hegoaldean, berriz, ostarteak gailenduko dira. Euria egingo du, batez ere arratsaldean eta kosta partean, ez askorik, hala ere. Goizean haizea ipar-mendebaldetik finkatuko da; hala, tenperatura maximoak jaitsi egingo dira iparraldean, ozta-ozta iritsiko dira 25 gradura, eta berdintsu geratuko dira hegoaldean. Kostaldean ipar-mendebaldeko haize ahula ibiliko da, eta gainerakoan haize ahul aldakorra, iparraldera egingo du eta arratsaldean tarteka haize bizia izango da hegoaldean.
Tenperaturak behera egingo du igandean
Igandean, iparraldean, zerua lainotuta egongo da, eta euria edo zirimiria ere egin lezake Kantauri isurialdean goizean, baina arratsaldean atertu egingo du. Hegoaldean zerua garbiago egongo da. Goizean ipar-mendebaldeko haizea ibiliko da eta arratsaldean ipar-ekialdekoa, hori dela eta, tenperatura maximoak apur bat jaitsiko dira ipar partean eta nabarmen hegoaldean. Hain zuzen ere, 20 gradutik beherakoak izango dira kostaldean, eta 25 inguruan geratuko dira Araba eta Nafarroa hegoaldean.
Zure interesekoa izan daiteke
Medikuen sindikatuek ez dute grebarik egingo udan, baina protestak iragarri dituzte udazkenerako
Medikuen sindikatuen konfederazioak espero du Osasun Ministerioak greba batzordea deituko duela berehala, "negoziatzeko benetako borondatearekin". Deialdirik ez badago, udazkenean "gatazka areagotzeko prest" agertu da.
Eusko Jaurlaritzak elikadura-alerta bat zabaldu du EAEn banatutako gazta freskoetan listeria aurkitu baitute
Cerrato, Nativo, Goya eta El Sabor de Casa markek merkaturatutako hainbat produktu daude kaltetuta. Horietako bat etxean dutenei ez kontsumitzeko gomendatu diete agintariek.
Martxan da Bilbon errugbizaleentzako gunea
Gaur eta bihar jokatuko diren Europa mailako bi final handiek 75.000 zale bilduko dituzte guztira. Lehen finala gaur iluntzean jokatuko dute Ipar Irlandako Ulster eta Frantziako Monpellier taldeek. Casilda Iturrizar parkean jarritako gunean hasi dira giroa berotzen.
Nelson David Moreno errudun jo dute, 73 urteko gizon baten hilketagatik
Laugarrenez kondenatu dute auziperatua; guztira, 2021eko udazkenean zazpi gizonezko homosexualen hilketekin lotzen dute.
79 urteko emakume bat larri zauritu da Tafallan, auto batek harrapatuta
SOS Nafarroak jakitera eman duenez, ezbeharra 10:43an izan da, NA-8607 errepideko 4,2 kilometroan, Foruzaingoaren polizia etxearen aurrean, herrigunean bertan. Oinarrizko bizi euskarriko anbulantzia bat eta anbulantzia medikalizatu bat bertaratu dira, eta azken horretan eraman dute Nafarroako Unibertsitate Ospitalera, larri.
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa Bernedo auziak bultzatu du, eta batzordean eta osoko bilkuran onartu behar da oraindik. 600.000 eurorainoko isunak aurreikusten ditu.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.
Erromes bat hil da Garesen, ibaira erorita
Gorpua Robo ibaian agertu da, eta Foruzaingoak ikerketa abiatu du gertatutakoa argitzeko.
Trafiko murrizketak Bilbon: hauek dira kaltetutako kaleak eta ordutegiak
Itxierak hasi dira jada San Mames eta Abandoibarra inguruan, eta igande goizaldera arte iraungo dute. Udalak ibilgailuaren erabilera saihesteko eta metroa edo trena erabiltzeko gomendatu du.
Euskal Herriko erraldoiak ezagutu nahi? Hauek dira tradizionalenak
Herriko jaietan festarik ez da erraldoiak kalean ez badira. Batzuek pertsonaia historikoak irudikatzen dituzte; beste batzuk euskal mitologiatik datoz. Herri bakoitzak bereak ditu, bere historia eta nortasunarekin. Ezagunen eta kuttunenen errepasoa egingo dugu gaur.