Heldu da uda: 30 °C-tik gorako tenperaturak eta eguzkia, asteartetik aurrera
Eguraldi goibela, eta olatuengatik eta euri-jasengatik hainbat alerta meteorologiko izan ditugu protagonista azken egunotan. Udan gaudenik ez du ematen, giroa udazkenekoa izan baita. Bada, asteartetik aurrera, goitik eta behera aldatuko da eguraldia, eta giro eguzkitsu eta beroa izango dugu hainbat egunez.
Bihar, larunbatarekin, tenperatura freskoekin (10 ºC, Gasteizen, eta 15 ºC bat, Bilbon eta Donostian) eta hodeitsu ekingo diogu egunari. Euria ere egin dezake Kantauri isurialdeko hainbat lekutan. Egunaren erdialdeko orduetan, baina, giro argia izango dugu. Araban eta Nafarroan eguzkia izango da nagusi egun guztian zehar, goizeko laino maskalak desagertuta. Tenperaturei dagokienez, gora egingo dute eta 25 ºC-ak harrapatu dituzte barnealdean, eta 23-24 ºC-ren bueltan errendituko dira kostaldean.
Igandean, hodei gehiago izango dira zeruan, eta freskatzera egingo du apur bat. Hodeiak ugariak izango dira iparraldean, eta goizean euri pixka bat egin dezake. Arratsaldean, aldiz, hodeitza gutxitu egingo da. Hegoaldean, oro har, giro eguzkitsua eta lehorra izango dute berriro, baina goizean zerua lainotu samar ager daiteke. Iparraldeko haizea ahul ibiliko da, eta ez ditu termometroak asko igotzen utziko, bezperako tenperatura antzekoak utzita (minimoak apur bat baxuagoak izango dira).
Astelehenarekin hasiko da eguraldia benetan iraultzen, eta argitzera eta berotzera egingo du. Asteartetik aurrera, eguzkia izango da jaun eta jabe, eta tenperaturek gorako bidea hartuko dute: 36 ºC-koak izango dira barnealdean, eta 30 ºC-koak, kostaldean. EITB Mediako meteorologia zerbitzuaren arabera, ildo beretik jarraituko du aroak hainbat egunez. Hori horrela, abuztuan bada ere, baina iritsi da uda gurera.
Albiste gehiago gizartea
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Egoera kezkagarria da Espainiako Estatuan, sute asko baitaude piztuta. Azken orduetan 7.000 lagun baino gehiagok gaua etxetik kanpo pasa dute eta bi pertsona hil dira suteen ondorioz, bat Madrilen eta bestea Leonen.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.
Zarrakazteluko sutea freskatzen eta kontrolatzen jarraitzen dute
Gauean bertan lan egin duten suhiltzaileei txandaka egiten zaie lan 8:00etatik. Suhiltzaileek freskatze-lanak eta puntu beroen kontrola egingo dituzte asteazken goizean.
Gasteizko kaleetan bizi diren 50 bat maliar, asiloa noiz tramitatzeko zain
Maliko 50 bat asilo-eskatzaile kalean bizi dira Arabako hiriburuan. Eusko Jaurlaritzak Espainiako Gobernuari eskatu dio azkarrago bideratzeko EAEn dauden asilo-eskatzaileak inguruko erkidegoetan kolektibo horiei arreta emateko dauden zentroetara, haietan plaza "libreak" baitaude.