Uda garaiko giroa bueltan
Gaur, asteazkena, giro nahasia izango da, baina bihartik aurrera uda garaiko giroa bueltatuko da Euskal Herri osora. Tenperaturak nabarmen egingo du gora ipar partean zein gainerakoan, eta termometroak 35 ºC-tik gora geratuko dira hegoaldean, 30 ºC inguruan barnealdean eta 26-28 ºC-ren bueltan kostaldean. Gainera, datorren astean ere, giro eguzkitsua izatea espero da.
Goiza hodeitsua izan da lurraldearen zati handi batean, ipar partean bereziki, eta euri apur bat egin du han-hemenka, baina baliteke arratsaldean ostarteak zabaltzea. Gainerakoan, ordea, goizak aurrera egin ahala, hodeiek desagertzera egin dute eta arratsalde eguzkitsua izango da. Baina, gaur ere, arratsaldean, iparraldeko haizea indartu egingo da, eta arratsalde-gau partean trumoi-ekaitzak jo dezake. Maximoak ezer gutxi aldatuko dira: 23 ºC kostaldean eta 30 ºC-ren bueltan gainerakoan.
Bihar, osteguna, eguzkia gailenduz joango da, eta tenperaturek nabarmen egingo dute gora. Goizean, isurialde atlantikoan, behe-hodeiak agertuko dira, eta lainoa sor daiteke barnealdean, baina laster desegingo dira eta arratsalde eguzkitsua geratuko da. Kostaldetik hurbil, ipar-ekialdeko haizearen eraginez, tenperatura altuenak 26-28 ºC-ren bueltan ibiliko dira; barnealdean, berriz, 30 ºC-tik gora harrapatuko dituzte termometroek.
Ostiralean, eguna epeletik hasiko dugu, tenperaturak goranzko bidean jarraituko du eta giroa argia izango da. Hegoaldeko haizea ibiliko da goizean, eta iparraldeko haizea zabalduz joango da arratsaldean. Barnealdean, balio altuenak 30-35 ºC ingurukoak izango dira; hegoaldean, 35 ºC-tik gorakoak, eta kostaldean, 28-30 ºC ingurukoak izango dira maximoak.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.