Tenerifeko sutea "nahita eragindakoa" izan zela baieztatu dute
Fernando Clavijo Kanarietako presidenteak igande honetan baieztatu duenez, joan den asteartean Tenerifen piztutako baso-sutea "eragindakoa" izan zen, eta Guardia Zibilak hiru ikerketa-ildo dituela zehaztu du.
Clavijok prentsaurrekoan esan duenez, hasieratik sutea nahita eragindakoa izan zela susmatu zuten arren, Guardia Zibilaren ikerketek baieztatu egin dute, baina ez du datu gehiagorik eman.
Hainbat fokurekin Arafoko mendietan hasi zen sutearen egilea edo egileak atxilotzea espero du Kanarietako presidenteak, eta milaka pertsonaren bizitza arriskuan jartzeaz gain, eragin duen kalte guztia deitoratu du.
Suak 10.000 hektarea suntsitu ditu eta 12.279 pertsona daude etxetik irtenarazita.
Tenerifeko Kabildoko presidente Rosa Davilak prentsaurrekoan jakinarazi duenez, gaua lasai igaro da, espero baino eguraldi hobea egin duelako, baina oso gogorra izan da. Sua itzaltzeko taldeek bart egindako lanari esker, suak ez du etxebizitzarik erre.
84 kilometroko perimetroa
Federico Grillo Kanaria Handiko Kabildoko Larrialdietako zuzendariak, bere aldetik, zehaztu du suteak oso perimetro handia izaten jarraitzen duela, 84 kilometrokoa hamar udalerritan zehar. Iparraldeko eremu osoa finkatu nahi dute, arrisku larria desagertarazteko.
610 pertsona ari dira lanean gaur: 275 suhiltzaileak dira, 115 segurtasunekoak, 40 logistikakoak, 20 koordinaziokoak eta 160 boluntarioak. Airez, berriz, 22 hegazkin ari dira lanean.
Albiste gehiago gizartea
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.