Euskal futbolak planto egin dio Rubialesi
Euskadiko Futbol Federakundea (FVF-EFF) eta Espainiako Futbol Federazioaren (RFEF) asanblea nagusiko kide diren euskal taldeek uko egin diote ostiral honetarako RFEF-k berak deitutako ezohiko bilerara joateari, Luis Rubiales presidenteak Jenni Hermoso jokalariari haren baimenik gabe musua eman eta gero.
Hori horrela, Athletic Club, Reala, Alaves, Eibar eta Amorebieta taldeek (boto eskubidea dute denek) publikoki iragarri dute ez direla batzarrera joango. Osasuna da salbuespena: bai joango da, baina Luis Sabalza presidentea oso kritiko agertu da Rubialesekin.
Las Rozaseko Kirolaren Hirian egingo den batzarrera ez joateko asmoaren berri ematen lehena Euskadiko Futbol Federakundea izan da. "Munduko Txapelketako finaleko garaikurren banaketan gertatutakoaren larritasuna ikusita, eta ondoren gertaeren kudeaketa ikusita, Euskadiko Futbol Federakundea ez da joango Espainiako Futbol Federazioaren batzarrera", adierazi du hedabideei bidalitako ohar batean. Are gehiago, "datozen jardunaldietan gertatzen dena ikusita, Javier Landeta presidenteak Espainiako Federazioaren Zuzendaritza Batzordean jarraituko duen ala ez erabakiko" dutela gaineratu du.
Ondoren, Gipuzkoako eta Arabako federazioek euskal federazioari babesa eman diote eta mezu bera eman dute aditzera euren oharretan.
Bizkaiko Federazioak ez du publikoki babestu Euskal Federazioaren agiria, baina bere presidentea, Iñaki Gomez Mardones (bokala da RFEF-n), ezingo da joan bilerara "arrazoi familiarrengatik".
Ondoren, Reala, Eibar, Alaves, Athletic eta Amorebieta bat etorri dira Euskal Federazioekin. Amorebietak, adibidez, argi hitz egin du: uko egin dio zitari "gai zerrendan ez dagoelako batzarra deitzea justifikatuko lukeen puntu bakarra, Luis Rubialesen dimisioa".
RFEFren asanblean Euskal Herriko ordezkari gehiago daude, eta oraingoz ez dago argi zein den horien jarrera. Hauek dira: Aintzane Gamboa eta Nestor Susaeta jokalariak; Gaizka Garitano, Julen Guerrero eta Jose Manuel Ochotorena entrenatzaileak; eta Zierbena FS areto-futbol taldea.
Zure interesekoa izan daiteke
Urnietako elizako erlojua konpontzen ari dira Salestarretako elektromekanika ikasleak
Salestarretako elektromekanika ikasleak ari dira konpontzen Urnietako elizako erlojua. Helburua udaberria baino lehen prest egotea da. Lan honek aukera ematen die ikasleei desagertzeko zorian diren lanbideak ikasteko.
Eusko Jaurlaritzak ostegunean probatuko du herritarrei hondamendietan abisuak emateko sistema, Araban
Araban kokatutako gailuetan alerta-soinu bat entzungo da, eta, horrekin batera, mezu bat. Horretan adieraziko da proba bat dela, eta ez benetako arrisku-egoera bat.
Gasteiz eta Bilbo arteko lineako zortzi bidaia kenduko ditu La Unionek
Autobus konpainiak errefortzu horiek kendu egingo ditu, eskari txikia dela eta: Gasteiztik Bilbora (05:50, 06:45, 13:30 eta 15:30) eta Bilbotik Gasteizera (06:30, 07:45, 09:30 eta 13:30).
Vatikanoa Cadizeko eta Ceutako gotzaina ikertzen ari da, 1994-2000 artean adingabe bati abusuak egin omen zizkiolako
Gotzaindegiak iragarri du agenda eten duela, eta baieztatu du "duela ia hogeita hamar urteko gertakarien inguruan egin diren akusazioak oso larriak eta faltsuak" direla. Espainiako Gotzainen Batzarrak "justiziarekiko konfiantza" adierazi du, eta Espainiako Nuntziatura Apositolikoaren Rotako auzitegiaren lana "errespetatu egiten" duela.
EAEko jaiotza-tasak % 2,1eko igoera izan du urteko bigarren hiruhilekoan
Horrekin batera, atzerriko nazionalitatea duten amen jaiotzak totalaren % 25,3 dira Euskadin. Bereziki nabarmentzekoa da Arabako kasua, % 32,5era iristen baitira.
?fmt=webp-alpha&qlt=80)
Greenpeaceko ekintzaile batek Madrilgo zerua zeharkatu du, Brasilgo COP30 goi-bileraren atarian
Greenpeaceko ekintzaile batek 30 metroko altueran zintzilik zegoen zinta bat zeharkatu du Madrilgo erdigunean, "Planeta, hari-harian" zioen pankarta batekin batera. Ekintzaren helburua "justizia klimatikoa" eskatzea zen, gaur Brasilen hasiko den Klimaren Goi-bileraren (COP30) atarian.
"Indarkeria isilak" eta mikromatxismoak ditu ardatz azaroaren 25eko Nafarroako erakundeen kanpainak
‘Egunerokoan ere ezkutatzen da indarkeria. Ikusaraz dezagun’, izango da Nafarroako leloa A25aren aurrean, emakumeen edozein kontrol, diskriminazio eta desbalorizazio moduren aurkako kanpainan. Taberna lehendakariordeak Foru Gobernuaren kanpaina bat aurkeztu du, emakume askok beren egunerokoan jasaten duten indarkeria psikologikoa, ekonomikoa eta sinbolikoa salatzeko
Indarkeria matxista denon ardura dela azpimarratuko du aurten azaroaren 25eko kanpainak
‘Ez da zure arazoa soilik, gurea ere bada’ izango da EAEko erakundeek aurkeztutako kanpainaren leloa, eta norbanako batzuen arazo izatetik urruti, gizarte osoari eragiten dion egiturazko arazoa dela eta emakumeak babesteko komunitateak osatzeko beharra nabarmenduko ditu.
Artxandako funikularra itxiko dute hiru egunez, mantentze-lanak egiteko
Udalak jakinarazi duenez, autobus zerbitzu berezia (E5 linea) martxan jarriko da, Bilbo eta Artxandaren arteko garraioa indartzeko. Zerbitzu hori A7 lineako ohiko autobusaren osagarri modura emango da, azken horrek normaltasunez jarraituko baitu.
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.