Kirol Auzitegiak ebatzi du Rubialesen musua ez dela "oso larria" izan, eta CSDk ezingo du kargugabetu
Kirol Auzitegiak (TAD) espedientea ireki dio Luis Rubiales Espainiako Futbol Federazioko (RFEF) presidenteari, Jenni Hermoso futbolariari haren baimenik gabe eman zion musuagatik, baina egindakoa falta "larria" dela iritzi dio, ez "oso larria", eta horrenbestez, Kirolen Kontseilu Nagusiak (CSD) ezingo du behin-behinean kargugabetu.
Espainiako Gobernuak nagusikeriagatik ere salatu zuen RFEFko presidentea, baina TADek ez du larrigarri hori atzeman. Hori horrela, bi urtez gaitasungabetzea izango da Rubialesi ezarri ahalko zaion gehienezko zigorra.
Irailaren 26an, FIFAk 90 egunez kargugabetu zuen Espainiako futbolaren agintari nagusia, eta horren ondorioz, Pedro Rocha izendatu zuten RFEFko behin-behineko presidente.
TADen erabakiaren berri izan eta gero, Miquel Iceta Espainiako Gobernuko Kultura eta Kirol ministroak azaldu du Rubiales behin-behinean kargugabetu dezan eskatu diola CSDk Kirol Auzitegiari, irekitako espedientea guztiz ebatzi arte.
Icetak adierazi du Exekutiboarentzat "oso larria" izan dela Rubialesen jokaera, eta gogorarazi du CSDk berak ezin duela RFEFko burua kargugabetu.
Rubialesek, berriz
Testuinguru horretan, Rubialesek berak adierazpen bat publikatu du, eta horretan, "lintxamendu politiko eta mediatiko baten biktima" dela salatu du.
Hori bai, berriro ere esan du musua "aldebikoa eta baimendutakoa" izan zela. "Hori da nire bertsio bakarra, hasieratik izan dudana eta aldatuko ez dudana", gaineratu du.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.