Igor Enparan, Hondarribiko alkatea: "Ez dut onartu nahi inolako purgarik"
Datorren ostiralean, irailaren 8an ospatuko da Hondarribiko Alardea eta, tamalez, alarde parekidearen eta baztertzailearen arteko eztabaidak mikaztu du, beste urte batez, festaren atarikoa. Zehazki Hondarribiko Alardeko Musika Banda Elkarteak bazkideei sinarazi nahi dien, eta azken egunetan sare sozialetan zabaldu den agiri batek harrotu ditu txinpartak. Hainbeste, ezen Igor Enparan Hondarribiko alkateak idatzi bat argitaratu baitu gaur, larunbata, agiri horren harira, Alardean "inolako purgarik onartuko ez" duela azaltzeko.
Aipatutako dokumentua "erantzukizunpeko adierazpen" bat da, Hondarribiko Alardeko Musika Banda Elkartean jarraitu nahi izatera, bazkideek sinatu beharrekoa. Bi puntuetako lehenengoan, sinatzaileak adierazten du Alardea "arbasoengadik jaso gisan" ulertzen duela eta "jakitun" dela "Hondarribiko Alardeko Musika Banda Elkarte pribatuaren zeregina Alardearen balioa babestu, transmititu eta zabaltzea" dela, emakumeak desfilean kantinera gisa baino onartzen ez dituela azpimarratuz.
Bigarren puntuarekin, sinatzaileak onartzen du, lehen puntuaren kontrako edozein ekintzak elkartetik "berehala" kanporatzea eta bazkide izateari uztea ekarriko diola sinatzaileari.
Horren aurrean, joan den ekainetik Hondarribiko alkate den Igor Enparanek gaur argitaratutako oharrean adierazi du "gaia sare sozialen bitartez iritsi" zaiola, "ez beste inondik". Bere hitzetan, "urteak" daramatza "herritarrek iritzi askea emateko beldurraren aurka lanean", eta Alardeko Musika Banda Elkartearen idatziak eragiten dion orori dei egin dio berarekin harremanetan jartzeko. "Udaleko eta nire bulegoko ateak irekita daudela argi eta garbi esan nahi dut, eta babestu egingo ditudala, ez baitut onartu nahi inolako purgarik", zehaztu du Alkateak.
Halaber, gogoratu du "Alardea hondarribiar guztion ondare inmateriala" dela eta "hori horrela den heinean, herritar guztiek, gizon zein emakume, parte hartzea bermatzeko lanean jarraituko" duela.
Guztion Alardea Elkarteak joan den asteartean sareetan zabaldutako ohar batean onartezin jo zuen "edozein hondarribiar Alardetik kanpo uztea", gaineratuz "Hondarribiko Alardearen gaurko antolatzaileek, genero berdintasuna ez errespetatzeaz gain, pertsonen sentimendu eta ideia aniztasuna kolokan jartzen" dituztela. Halaber, gogorarazi zuten, "dokumentua idatzi eta sinarazi dutenei, Alardea hondarribiar guztiona dela ahaztu" zaiela eta dei egin zion Hondarribiako Udalari, "jarrera hauen aurrean esku hartzeko". Alkateak larunbat honetan kaleratu du oharra, hain zuzen ere, "herritar guztiek, gizon zein emakumek", Alardean parte hartzearen aldekoa.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.