Zirkulazioa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

AP-8ko egoera bere onera etorri da Orion parean, Bilboko noranzkoan, ia hiru orduko auto-ilarak izan ostean

Bost autok elkarren kontra jo dute, eta, ondorioz, zortzi kilometrorainoko auto-ilarak sortu dira. Ez da inor larri zauritu.
AP-8a Orio parean, gaur arratsaldean.
AP-8a Orio parean, gaur arratsaldean. Argazkia: EITB Media

EITB Media

Azken eguneratzea

Ia hiru orduz auto-ilarak egon dira gaur arratsaldean AP-8an, Orio parean, Bilboko noranzkoan, hainbat autoren arteko istripuaren ondorioz. Zortzi kilometrorainoko ilarak sortu dira.

Eusko Jaurlaritzako Segurtasun Sailak jakitera eman duenez, 15:30 inguruan bost autok elkarren kontra jo dute, eta bi erreiak itxi behar izan dituzte. Handik ordubetera, erreietako bat ireki dute, eta ia ordu eta erdi geroago, bestea. 18:00ak inguruan etorri da egoera bere onera. 

Kolpeen ondorioz, ez da inor larri zauritu. Bertaratu diren osasun langileek istripuaren lekuan bertan artatu dute zauri arinak zituen pertsona bat, eta ez dute inor ospitaleratu.

A8 Autobidea Gizartea Eguneko Titularrak Trafikoa

Zure interesekoa izan daiteke

Gehiago ikusi
Publizitatea
X