Hil egin da gailu elektroniko bat lehertu eta erredura larriekin erietxera eraman duten Berako gaztea
Hil egin da gaur arratsaldean gailu elektroniko bat lehertu eta erredura larriekin erietxera eraman duten Berako gaztea.
Nafarroako Guardia Zibila gertakaria ikertzen ari da. Hasiera batean telefono mugikor bat zela adierazi bada ere, Nafarroako Guardia Zibileko polizia judizialeko agenteek lekua begiz aztertu oztean, ikusi da supiztea entxufatuta zegoen gailu elektroniko batek eragin duela, eta ezin izan da zehaztu zer motatakoa izan den, zein egoeratan geratu den ikusita. Lurrean telefono mugikor bat zegoen, eztanda- eta su-zantzurik gabea, eta baztertu egin da leherketaren arrazoia gizon horren telefono mugikorra izan dela.
Guardia Zibilak jakitera eman duenez, 14:20 aldera deia jaso dute Berako etxebizitza batean gazte bat lotan zegoela mugikor bat leherrarazi eta laguntza behar zutela.
Leherketak sute txiki bat eragin du eta lo zegoen ohea kaltetu du, erredura larriak eragin dizkio eta bihotz-biriketako geldialdian sartu da.
Agenteek erreanimazio-maniobrak egin dizkiote zaurituari osasun-laguntza iritsi arte, eta, ondoren, helikoptero medikalizatuan eraman dute Gurutzetako Ospitalera (Bizkaia), oso larri, eta azkenean, hil egin da.
Nafarroako suhiltzaileak ere bertaratu dira, leherketaren ondorioz etxean ke handia zegoelako.
Nafarroako Guardia Zibilaren Polizia Judizialaren Unitate Organikoko agenteak sutearen arrazoiak ikertzen ari dira.
Albiste gehiago gizartea
Jendetza bildu da Andre Maria Zuriaren plazan, Zeledon agurtzeko
Zeledonen igoerak eman die amaiera Gasteizko jaiei, alaitasuna nagusi izan den sei egunen ostean. Jendetza bildu da goizaldean Andre Maria Zuriaren plazan, blusa eta nesken kuadrillekin elkartutako txarangen ondoan. Hala, Zalduondoko baserritar maitatua San Migel elizako dorrera itzuli da, datorren urtera arte.
22 urteko bi hildako eta bat larri zauritu dira Berantevillan izandako trafiko-istripu batean
Zauritua Txagorritxuko Ospitalera eraman dute.
Airez eta lurrez ari dira lanean Zarrakaztelun piztu den baso-sutean
Suhiltzaileekin batera, sei helikoptero eta lau hegazkin ari dira lanean, horietako bat koordinazio lanetan. Oraingoz, ez dago arriskurik herritarrentzat. Gauean, lurretik aritu dira sua itzaltzeko lanetan.
Kanoikadaren eztandarekin, lehertu da Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.