Ez dute EBAUko azterketa kopurua aldatuko, eta Historiaren eta Filosofiaren artean aukeratu beharko da
Unibertsitatera sartzeko azterketaren (EBAU proba) 2023-2024 ikasturteko zirriborroak erakusten du aurreko urteetako proba kopuru berbera izango dutela datorren urtean ikasleek, eta, LOMLOE legearen aldaketaren ondorioz, Espainiako Historia edo Filosofiaren Historia irakasgaiak izango dituztela aukeran. Ebaluazio honetako ezaugarri, diseinu eta edukiari eutsiko diete, baina.
Gaur bertan aurkeztu dute proba Espainiako Hezkuntza Ministerioak eta unibertsitateek. Esan bezala, aldaketa gutxi batzuk ditu, LOMLOEren irizpideak eta curriculuma oinarri.
Modu horretan, 2024an ere, 90 minutuko azterketa egingo dute irakasgai bakoitzeko. Alde batetik, aukeratutako batxilergo motaren arabera derrigorrez egin beharreko azterketa izango dute ikasleek. Bestetik, hiru proba komun (lau, hizkuntza koofiziala duten erkidegoetan) izango dituzte.
Nota igo nahi dutenek Batxilergoko bigarren mailako modalitateko beste bi irakasgairen (gutxienez) azterketak egin ahal izango dituzte, eta atzerriko bigarren hizkuntza bat hautatu ahalko dute.
Orain arte bezala, EBAUren notak % 40ko pisua izango du, eta Batxilergokoak % 60koa.
Autonomia erkidego guztiek ekainaren 14a baino lehenago egin beharko dituzte azterketak, ohiko deialdian, eta uztailaren 12a edo irailaren 13a baino lehenago ezohikoan.
Gehienez, lau egunean banatu beharko dituzte azterketa guztiak (bost egunean egiteko aukera izango dute hizkuntza koofiziala duten erkidegoek).
Albiste gehiago gizartea
Euskadin adingabeei egindako sexu abusuen biktima ia denak (% 92) neskak dira, eta 15 urtetik beherakoak gehienak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.