Asteburuko euriaren ostean, hodeitsu eta lehor etorriko da astea
Aspaldiko partez, euria egin du asteburuan, baina orduek aurrera egin ahala lehortzera joko du. Bide horretatik jarraituko du datorren asteak, baina ostegunetik aurrera tenperaturak behera egitea eta prezipitazioak izatea espero da.
Gaur, giro freskoa izango dugu, eta ostarteak zabalduko dira eguerdi inguruan. Tenperatura maximoak 20-22 ºC ingurukoak izango dira lurralde osoan. Goizean goiz eta arratsaldetik aurrera, hodeiak ugariak izango dira, baina gainerako orduetan ostarte batzuk agertuko dira. Ekialdeko haizea ibiliko da, oro har, eta ziertzoa nagusituko da Nafarroa hegoaldean. Lehen orduetan, isurialde atlantikoan euri pixka bat egin dezake, eta gauean, berriz, apur bat busti lezake barnealdean.
Astelehenean, hego-haizea izango da nagusi. Indar pixka batekin joko du, batez ere egunaren amaieran, eta, ondorioz, tenperaturak gora egingo du, isurialde atlantikoan bereziki. Arratsaldean, brisa sartuko da kostaldean. Goizaldean, hodei asko izango ditugu eta baliteke euri pixka bat egitea barnealdeko zenbait txokotan; gainerako orduetan, aldiz, ostarteak agertuko dira, batez ere eguerdi inguruan.
Asteartean, hego-haizea zakartu egingo da. Bolada oso gogorrekin jo dezake zenbait lekutan, eta baliteke isurialde atlantikoan tenperatura pixka bat gehiago igotzea. Goizaldean eta egunaren hasieran, zerua nahiko lainotuta egongo da, eta ostarte batzuk zabalduko dira eguerditik aurrera. Ez da baztertzen une batzuetan euri pixka bat egitea, bereziki barnealdean, goizaldean eta lehen eta azken orduetan.
Asteazkenetik aurrera, okertzera egingo du, eta tenperatura jaistearekin batera, euria ere espero da.
Kontsulta ezazu eguraldiaren iragarpena eitb.eus-en, eta bidali zure argazkiak eta bideoak.
Albiste gehiago gizartea
70 talde feminista baino gehiagok eta LGTBIQ+ taldek Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak “Xabiertxo”, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.