Hasi da hitzorduak egiteko app batean ezagutu zuen gizon bat hiltzen saiatu zen akusatuaren aurkako epaiketa
Hitzorduak egiteko aplikazio baten bidez gizon bat ezagutu eta hura hiltzen saiatzeagatik akusatu zuten gizonezkoaren kontrako epaiketa hasi da gaur, astelehenarekin, Bizkaiko Auzitegian.
EAEko Justizia Auzitegi Nagusiak jakinarazi duenez, hilketa saiakera egotzita epaituko dute. Bilbon izandako antzeko beste kasu batzuekin ere lotzen dute, baina astelehenean hasiko den epaiketa horretan hilketa saiakera bat egongo da auzipean.
2021eko abenduaren 17an Bilboko Zazpikaleetan jazo zen erasoa epaituko dute. Ustez, hitzorduak egiteko erabiltzen den aplikazio baten bitartez geratu ziren akusatua eta biktima, elkartzeko. Fiskaltzaren arabera, ustezko erasotzailea biktima itotzen saiatu zen, baina indarka aritu ostean, biktimak etxetik ihes egitea eta laguntza eskatzea lortu zuen, zaurituta zegoen arren. Hori dela eta, fiskalak 9 urteko kartzela-zigorra eskatuko du akusatuarentzat.
Gehitu elkarteak (herri-akusazioa osatuko du) 17 urte, 11 hilabete eta 29 eguneko kartzela-zigorra eskatuko du, hilketa saiakeraz gain, lesio delitua ere badagoela uste baitu. Gainera, erasoa sexu diskriminazioagatik egin izana astungarritzat hartzeko eskatuko du.
Akusatua 2022ko maiatzean atxilotu zuten, horrelako beste kasu batzuekin lotuta. Hain zuzen ere, Bilbon izandako beste hiru hilketarekin zerikusia duela uste dute.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.